ԵՐԵՎԱՆ, 13 օգոստոսի./Նովոստի–Արմենիա/. Հայտնի երգիչ և դերասան Միհրան Ծառուկյանը և նրա կինը՝ դերասանուհի Արփի Գաբրիելյանը իրենց Instagram-յան էջերում հրապարակել են իրենց որդու հետ առաջին լուսանկարը, որում երևում է փոքրիկի դեմքը։
Загружается новость ... "Лево"
Փոքրիկն արդեն 40 օրական է և Արփին ու Միհրանը որոշել են այլևս չթաքցնել նրա դեմքը։ Լուսանկարներում երևում է, որ երիտասարդ ծնողները կանգնած են եկեղեցու դռան դիմաց։
«Մեր տղա... Աստված պահապան լինի քեզ ու աշխարհի բոլոր մանուկներին»,- գրել է Արփին՝ նկարին կից։
Միհրանն էլ իր էջում հրապարակած նկարի մեկնաբանություններում գրել է․ «Թող Աստված օրհնի ու պահպանի քեզ մեր տղա»։
Հիշեցնենք, որ Արփի Գաբրիելյանի և հայտնի երգիչ Միհրան Ծառուկյանի որդին` Ռոբերտը, ծնվել է հուլիսի 4–ին։ Այս ուրախ լուրը
հայտնել է նորաթուխ հայրիկը` հրապարակելով որդու հետ լուսանկար։–0–
