ԵՐԵՎԱՆ, 29 մայիսի. /Նովոստի–Արմենիա/. Հայոց ցեղասպանությունը ճանաչող նախագծի քվեարկության հարցը հանվել է Իսրայելի Քնեսեթի օրակարգից, հայտնում է
Jerusalem Post-ը:
Պարբերականի հաղորդմամբ, Քնեսեթի խոսնակ Յուլի Էդելշթայնը հարցը հանել է օրակարգից` մայիսի 28-ի դրությամբ այն ընդգրկված չէ Իսրայելի խորհրդարանի օրակարգում:
Նշվում է, որ Քնեսեթի խոսնակն այդ քայլին գնացել է, մտավախություն ունենալով, թե արդյո՞ք մեծամասնությունը կողմ կլինի նախագծի ընդունմանը:
Загружается новость ... "Лево"
Պարբերականը հիշեցնում է, որ նախորդ տարիների ընթացքում Յուլի Էդելշթայնը բազմիցս կողմ է արտահայտվել Հայոց ցեղասպանության ճանաչմանը, նույնն արել է նաև նախորդ շաբաթվա ընթացքում:
Իսրայելի Քնեսեթի ատգամավորները մայիսի 24–ին 16 կողմ ու 10 դեմ ձայների հարաբերակցությամբ հավանություն էին տվել Թամար Զանդբերգի առաջարկությանը` օրակարգում ընդգրկել լ Հայոց ցեղասպանության պաշտոնական ճանաչման հարցը։
Հիշեցնենք, որ Իսրայելի խորհրդարանում բազմիցս բարձրացվել է Հայոց ցեղասպանության ճանաչման հարցը: Այսպես, 2018 թ.-ի փետրվարի 18-ին Քնեսեթը մերժել էր Հայոց ցեղասպանության ճանաչման մասին օրինագիծը, որը ներկայացրել էր «Եշ Աթիդ» կուսակցության առաջնորդ Յայիր Լափիդը: -0-
