Քիմ Քարդաշյանի քույրը դարձել է Puma–ի դեմքը (ԼՈՒՍԱՆԿԱՐՆԵՐ)

ԵՐԵՎԱՆ, 25 հունվարի. /Նովոստի–Արմենիա/. Հեռուսստաաստղ Քիմ Քարդաշյանի քույրը` Քայլի Ջենները, դարձել է Puma–ի հագուստի Swan նոր հավաքածուի դեմքը։

Ինչպես lenta.ru–ին է հայտնել ապրանքանիշի մամուլի ծառայության ներկայացուցիչը, Ջենները մասնակցել է ֆոտոսեսիայի և փորձել մարզահագուստը։



«Կարապի լիճ» բալետից ոգեշնչված Swan հավաքածուն վաճառքի կդրվի փետրվարից։ Հավաքածուն ներառում է մարզակոշիկներ, քեյփեր, «փետրավոր» և փայլուն զարդանախշով կոմբինեզոններ։



Puma ընկերությունը հիմնադրվել է 1948 թվականին Գերմանիայում Adidas ապրանքանիշի հիմնադիր Ադլոֆ Դասլերի եղբոր` Ռուդոլֆ Դասլերի կողմից։ Ընկերության գլխամասային գրասենյակը Գերմանիայի Հերցոգենաուրախ քաղաքաում է։ Ստեղծարար տնօրենի պաշտոնը զբաղեցնում է ամերիկացի երգչուհի Ռիհաննան։



Քայլի Ջենները գործարար և ֆոտոմոդել է։ Puma–ի հետ աղջիկը համագործակցում է 2016 թվականի փետրվարից և ապրանքանիշի դեսպան է։ -0-