Քիմ Քարդաշյանը յուրացրել է փարիզյան դասը

ԵՐԵՎԱՆ, 4 նոյեմբերի. /Նովոստի–Արմենիա/. Ռեալիթի շոուի ամերիկացի աստղ Քիմ Քարդաշյանը դաս է «քաղել» Փարիզում կատարված կողոպուտից։ Ֆոտոմոդելը հինգշաբթի իր քրոջ` Քենդալ Ջենների ծննդյան օրվան եկել էր առանց զարդեղենի, բայց երեք թիկնապահների ուղեկցությամբ։

Այդ մասին, ինչպես հայտնում է ՏԱՍՍ–ը, հաղորդել է հայտնի մարդկանց մասին գաղտնի տեղեկության ոլորտում մասնագւտացող TMZ լրատվական պորտալը։
Ջեներն իր 21–ամյակը նշում էր Լոս Անջելեսի «Դիլայլա» ակումբում։

Տոնակատարությանը հրավիրված են եղել միայն Քարդաշյան ընտանիքի անդամները և ամենամտերիմ ընկերների նեղ շրջանակը։ Քիմի անվտանգությունն ապահովում էին երեք թիկնապահները, որոնց աշխատանքի ամեն ժամն արժեր 100 դոլար։

TMZ–ի տվյալներով, ընտանիքի անդամները նույնպես թիկնապահներ էին վարձել, որոնք թվով գերազանցում էին հյուրերին։ Ինքը` Քիմը, այնքանով չէր ցանկանում երևալ ծննդյան հանդիսությանը, որ ոչ մի անգամ չի հայտնվել «Քարդաշյան ընտանիք» ռեալիթի շոուի նկարահանումների համար տեղադրված տեսախցիկների օբյեկտիվում։

Փարիզի սենսացիոն կողոպուտից հետո փարիզյան Chanel նորաձևության տան գեղարվեստական տնօրեն Կառլ Լագերֆելդը խորհուրդ էր տվել Քիմին կամ այլևս ի ցույց չդնել սեփական զարդեղենը (Քարդաշյանի Instagram–ում բազմաթիվ լուսանկարներ կան թանկարժեք զարդեղենով), կամ հուսալի անվտանգության համակարգով հյուրանոցներ ընտրել։

ԱՄՆ վերադառնալուց հետո ֆոտոմոդելն անհապաղ շուրջ քսան թիկնապահ է վարձել։

Հոկտեմբերի լույս գիշերը ոստկանական հագուստով և դիմակներով մի քանի տղամարդիկ ներխուժել են Փարիզում Քարդաշյանի հյուրանոցային համարը։ Նրանք 35–ամյա ֆոտոմոդելից զենքի սպառնալիքով իրենց հետ տարել են ամբողջ զարդեղենը, բայց Քարդաշյանի առողջությանը վնաս չեն հասցրել։

Որոշ տվյալներով, գողոնի ընդհանուր արժեքը մոտենում է 10 միլիոն դոլարի։ Այսպես, CNN հեռուստաընկերության տվյալներով, Քարդաշյանի միայն մեկ մատանին գնահատվում է մոտ 4 մլն դոլար, այն, իբր, նույնքան գումարի էլ ապահովագրված էր։ -0-