Կանանց մոտ լյարդի ալկոհոլային հիվանդության ռիսկն ավելի մեծ է, քան տղամարդկանց

ԵՐԵՎԱՆ, 7 սեպտեմբերի. /Նովոստի-Արմենիա/. ԱՄՆ–ի գիտնականները հետազոտություն են անցկացրել և պարզել են, որ տղամարդիկ կանանցից ավելի պակաս հակվածություն ունեն լյարդի ալկոհոլային հիվանդության նկատմամբ։

Հետազոտության տեքստին կարելի է ծանոթանալ Research Society on Alcoholism կայքում, հայտնում է gazeta.ru–ն։

Գիտափորձին մասնակցել է 21–ից 65 տարեկան 114 կին և տղամարդ (բոլոր կամավորներն ալկոհոլային կախվածություն ունեին)։ Այնուհետև գիտնականները վերլուծել են նրանց լյարդի վիճակը և պարզել, որ ալկոհոլային հիվանդությունը կանանց մոտ հանդիպել է գրեթե կրկնակի, քան տղամարդկանց մոտ։

Հետազոտության հեղինակները կարծում են, որ եթե կանայք ավելի պակաս ալկոհոլ են օգտագործում, քան տղամարդիկ, ապա նրանց լյարդն ավելի մեծ ռիսկի է հանդիպում, քան վերջիններինը։ Սակայն գիտնականների խոսքով, այդ վարկածը դեռ ապացուցման կարիք ունի։ -0-