Հրապարակվել են 79 տարի առաջ կործանված «Արմենիա» ջերմանավի հայտնաբերման կադրերը (ՎԻԴԵՈ)
10:40
28 Ապրիլի 2020
ԵՐԵՎԱՆ, 28 ապրիլի․ /Նովոստի-Արմենիա/․ Հետազոտողները, ովքեր հայտնաբերել են 1941 թվականին գերմանական ավիացիայի կողմից խորտակված սանիտարական «Արմենիա» ջերմանավը, հրապարակել են նավի կործանման վայրում ստորջրյա նկարահանումների տեսագրությունը: Տեսանյութը տեղադրված է Ռուսական աշխարհագրական միության Ստորջրյա հետազոտությունների կենտրոնի (ՌԱՄ ՍՀԿ) YouTube-յան ալիքում, հայտնում է РБК- ն :
Загружается новость ... "Лево"
«Գրեթե անմիջապես պարզ դարձավ, որ դա հենց այն է, ինչ մենք փնտրում ենք: Առաջին հերթին, չափերը: Վերին կառույցին հատուկ չափը և ձևը, որը «Արմենիայի» ընդհանուր երկարության գրեթե երկու երրորդն էր, կամ նույնիսկ ավելին: Մենք հենց նավի քթի վրա գտանք նավային զանգը, որի վրա փորագրված է տրանսպորտային նավի անունը: Այնպես որ, սխալն այստեղ ամբողջությամբ բացառված է», - ասել է ՌԱՄ ՍՀԿ գործադիր տնօրեն Սերգեյ Ֆոկինը:
1941 թվականի նոյեմբերի 7-ին «Արմենիա» ջերմանավը ռմբակոծվեց գերմանական ինքնաթիռների կողմից, աղետի զոհ դարձավ, ըստ տարբեր աղբյուրների, 7-ից 10 հազար մարդ: Այս նավաբեկությունը 5 անգամ ավելի շատ կյանք է խլել, քան «Տիտանիկի» խորտակումը՝ դառնալով պատմության մեջ ամենամեծ ծովային աղետներից մեկը:
Մինչև վերջերս «Արմենիայի» կործանման ճշգրիտ գտնվելու վայրը անհայտ է մնում: Բազմիցս կատարվել են նավը հայտնաբերելու փորձեր, բայց ձախողվել են: Գիտնականները բացատրել են, որ որոնումները բարդանում են աղետի հավանական վայրի խորության պատճառով: -0-
Շատերը լսել են, որ երջանիկ լինելու համար անհրաժեշտ է երջանկության հորմոն սերոտոնինը: Բայց հաճախ չգիտենք էլ, թե որքան սերոտոնին կարող է արտադրել մեր օրգանիզմը
