ԵՐԵՎԱՆ, 14 նոյեմբերի. /Նովոստի–Արմենիա/. Հայաստանի հանրապետական կուսակցության պատգամավոր Մարգարիտ Եսայանը կոչ է արել ուսանողներին դադարեցնել տարկետման վերացման օրինագծի դեմ հացադուլը, քանի որ օրենքը ցանկացած դեպքում կընդունվի։
Երևանում բանակից տարկետման իրավունքի վերացման դեմ բողոքող ուսանողներից հինգը հացադուլ են հայտարարել։ Նրանցից չորսը սովորում են բուհերում զինվորական ծառայությունից հետո։ Այս կերպ ուսանողները պայքարում են «հասարակայնության անտարբերության և տարկետման վերացման օրինագծի դեմ»։
Հայկական խորհրդարանը երեքշաբթի երկրորդ ընթերցմամբ դիտարկել է «Զինվորական ծառայության և զինծառայողի կարգավիճակի մասին» օրինագծի լրացումները, որոնցով ծրագրվում է պարտադիր զինվորական ծառայության զորակոչից ուսումնառության նպատակով տարկետում տրամադրել միայն այն դեպքում, եթե Հայաստանում հավատարմագրված բարձրագույն ուսումնական հաստատություններում բակալավրի, կամ դիպլոմավորված մասնագետի, կամ ինտեգրված կրթական ծրագրով սովորող քաղաքացին պաշտպանության նախարարության հետ կնքում է քաղաքացիաիրավական բնույթի պայմանագիր՝ ուսումնառության ընթացքում ռազմական պատրաստություն անցնելու և ուսումնառության ավարտից հետո պաշտպանության նախարարության կողմից նշված վայրում և պայմաններում զինվորական ծառայություն անցնելու մասին, սակայն այս պարագայում այդ ուսանողները 2-ի փոխարեն կծառայեն 3 տարի ժամկետով։
Загружается новость ...
"Право"
«Կոչ եմ անում դադարեցնել հացադուլը և վերադառնալ պարապմունքների, քանի որ բոլոր ակցիաներն անհրաժեշտ է անցկացնել քննարկումների փուլում, ոչ թե հիմա, երբ օրենքն արդեն վաղը կընդունվի վերջնական ընթերցմամբ»,– ասաց Եսայանը։
Պատգամավորը համոզմունք հայտնեց, որ օրենքը չի խանգարի գիտական աստիճաններ ստանալուն, քանի որ դրանք հնարավոր է ստանալ նաև բանակում ծառայելուց հետո, իսկ ինքը` օրենքը, չի խոչընդոտում գիտության զարգացմանը։
«Դա գիտության և բանակի զարգացման լավագույն ուղին է, քանի որ թույլ է տալիս ստեղծել պաշտպանության գիտական հիմքեր` բացարձակ չխանգարելով առաջինի զարգացմանը»,– ասաց Եսայանը, ավելացնելով, որ բազմաթիվ ուսանողներ, ովքեր չեն ծառայել բանակում և գիտական աստիճաններ են ստացել, մինչ օրս էլ չեն ծառայում գիտությանը։ -0-
