Հայտնի է հղիների ամենասիրելի ու տարօրինակ ուտելիքի ցանկը

ԵՐԵՎԱՆ, 5 մայիսի. /Նովոստի–Արմենիա/. Անգլիացի գիտնականները հարցում են անցկացրել 1400 ծննդաբերած կանանց շրջանում։

Հարցվածների 68%–ը նշել է, որ հղիության 9 ամիսների ընթացքում ուտելիքի նկատմամբ նրանց նախասիրությունները պարբերաբար փոխվել են։ Որոշները նշել են, որ սկսել են ուտել այնպիսի մթերք, որը կյանքում չէին էլ փորձել։ Սակայն եղել են նաև այնպիսի ուտելիքներ, որոնք բավականին տարածված են հղիների շրջանում, գրում է mama-likes.ru–ն։

1. Շոկոլադ

2. Միրգ (խնձոր, բանան, ցիտրուսայիններ)

3. Մրգային սառույց

4. Տորթ

5. Գազավորված ըմպելիք (քաղցր կամ թթվաշ)

6. Պաղպաղակ

7. Ցանկացած սուր կերակուր

8. Թխվածքաբլիթ

9. Թթուներ

10. Չիպս և չորահաց

11. Հավի գրիլ

12. Համբուրգեր

13. Հացաբուլկեղեն

14. Պիցցա

15. Չուպա–չուպս

16. Արախիս

17. Քաղցր և աղի կրեկերներ

18. Կանաչեղեն

19. Թխվածք

20. Ձուկ և միս

Գրագետ սննդակարգի գծով բրիտանացի մասնագետ Իվոն Բիշոփ–Ուեսթոնը մեկնաբանել է ստացված տվյալները։

«Ցավոք, ապագա մայրիկների մեծամասնությունը հղիության ժամանակ ցանկանում է հենց վնասակար ուտելիք։ Նախկինում նման խնդիր չկար։ Իսկ այժմ fast food–ը շատ տարածված է ու մատչելի։ Այդ պատճառով շատ կանայք չեն սահմանափակում իրենց` համարելով, որ այն ընդունելի է ապագա փոքրիկի առողջության համար», – նշել է մասնագետն ու պարզաբանել, որ fast food–ի և վնասակար սննդի նկատմամբ նման «անառողջ» ձգտումը պայմանավորված է նաև հղիի օրգանիզմում սննդարար նյութերի պակասով։ Այդ պատճառով երիտասարդ մայրիկները կարող են զգալ տարօրնակ ցանկություն, երբ ուզում են ուտել ինչ–որ անպետք բան (անհամատեղելի մթերքներ)։

Հղիների ամենատարօրինակ նախասիրությունների թվում են չոր կակաոն, գազարը` կետչուպով, սխտորը` մանանեխով, ձուն` ծովաբողկով, խնձորն` աղով, կավիճը և այլ սպեցիֆիկ մթերքներ։–0–