Հայկական ամուր ընտանիք. Adme.ru–ն կազմել է այն հայտնիների վարկանիշը, ովքեր ամուսնացել են ընդմիշտ

ԵՐԵՎԱՆ, 30 հուլիսի. /Նովոստի–Արմենիա/. AdMe.ru–ն պատմել է այն աստղերի մասին, որոնք հանդիպել են իրենց սիրուն երկար տարիներ առաջ և կարողացել են պահպանել իրենց զգացմունքները։ Օրինակ, Վալենտին Յուդաշկինն ամուսնացած է արդեն ավելի քան 30 տարի, իսկ Ալեքսանդր Ռևան, ով չէր էլ ծրագրում ամուսնանալ մինչև 40 տարեկանը, վաղուց երջանիկ է ամուսնական կյանքում։

Մասնավորապես, վարկանիշում ընդգրկվել են Ալեքսանդր և Անժելիկա Ռևան, ովքեր ամուսնացած են 12 տարի։

«Հայտնի շոումենն իր կնոջը հանդիպել է Սոչի քաղաքի գիշերային ակումբում։ Այն պահին Ռևան արդեն բավականին հայտնի էր և սովոր էր կանանց մեծ ուշադրությանը։ Ինչպես հետո խոստովանել է ինքը` Ալեքսանդրը, աղջիկը նրան գրավեց նրանով, որ չգիտեր, թե ով է Ռևան։

Երեք ամիս անց շոումենը խնդրեց նրա ձեռքը»,– գրում է ռեսուրսը։

Իսկ ահա Գարիկ Մարտիրոսյանն ու Ժաննա Լևինան ամուսնացած են արդեն 21 տարի։

«Նույնիսկ այդքան տարի անց Գարիկը հիշում է Ժաննայի հետ հանդիպման օրը` 1997 թվականի հունվարի 3։ Աղջիկն այն ժամանակ եկել էր Սոչի` մորը տեսակցելու։ Ընկերուհին նրան հրավիրել է ՈՒՀԱ փառատոնի, որտեղ երիտասարդներն առաջին անգամ հանդիպեցին։ Հաջորդ անգամ նրանք հանդիպել են մեկ տարի անց։ Սկսվել է գլխապտույտ մի սիրավեպ, որն ավարտվել է հարսանիքով Կիպրոսում։ Այժմ զույգը երկու երեխա ունի»,– գրում է Adme.ru–ն։ -0-