Հայազգի գործարարը 75–հարկանի աշտարակ է կառուցում Դուբայում

ԵՐԵՎԱՆ, 21 մարտի. /Նովոստի–Արմենիա/. Հայազգի գործարար Սեմ Նազարյանին պատկանող նյույորքյան sbe հյուրանոցների խումբը հայտարարել է World of Wonders Real Estate Development ընկերության հետ համատեղ Մերձավոր Արևելքում առաջին նախագծի իրագործման մասին։

Նախագծի շրջանակում ծրագրվում է աշտարակի կառուցում, հայտնում է constructionweekonline.com–ը։

SLS ապրանքանիշի ներքո խումբը Դուբայում կկառուցի 75–հարկանի Downtown Dubai աշտարակ։ Աշտարակի կառուցումը 60 տոկոսով իրականացվել է, ծրագրվում է գործն ավարտի հասցնել մինչև 2020 թվականը։

ProTenders–ի խոսքով, բազմահարկ երկնաքերում կլինեն 254 հյուրանոցային համարներ, 321 հյուրանոցային բնակարան և 371 բնակելի համալիր։

World of Wonders Development Estate ընկերության հիմնադիր և վարչության նախագահը Մեհմետ Նազիֆ Գունալն ասել է, որ աշտարակը կդառնա «քաղաքի արտաքին տեսքի հիանալի լրացում»։
Նազարյանն իր հերթին ավելացրել է, որ դեռ շատ նախագծեր կարող են գործարկվել World of Wonders Development Estate ընկերության հետ գործակցությամբ։ -0-