Հայաստանը զգալի ավանդ ունի Երկրի օզոնային շերտի պահպանման գործում

ԵՐԵՎՆ, 16 սեպտեմբերի./Նովոստի–Արմենիա/. Երկրի օզոնային շերտի պահպանման հարցը շատ արդիական է աշխարհում, և Հայաստանը ոչ միայն հետ չի մնում ընդհանուր միտումներից, այլ նաև իր բավականին խոշոր ավանդն ունի միջազգային աշխատանքում։

Ինչպես երկուշաբթի լրագրողներին ասաց օզոնային շերտի հարցերի ազգային համակարգող Լիանա Ղահրամանյանը, Հայաստանում աշխատելու 14 տարիների ընթացքում արդեն երևում է այդ հարցում առջընթացը, մասնավորապես, օզոնովնասող նյութերի ծավալների կրճատման մասով։ Մասնավորապես, 2005-2010 թվականներին Հայաստանը փոխարինել է սառեցման արտադրությունում օգտագործվող տարեկան օգտագործման 198 տոննա քլորֆտորածխաջրածինները։

Նա նշեց, որ 1999 թվականին Հայաստանը միացել է օզոնային շերտը քայքայող նյութերի Մոնրեալի արձանագրությանը։ Այս տարի Հայաստանը վավերացրել է Մոնրեալի արձանագրության Կիգալիական լրացումը, որի հետևանքով առաջացել է օրենսդրական փոփոխությունների անհրաժեշտությունը։ Դրանք արդեն ներկայացվել են կառավարությանը։

«Այդ բնապահպանական կոնվենցիաների բացառիկությունն այն է, որ այստեղ բնապահպանական խնդիրը լուծում են գլոբալ, համընդհանուր ջանքերով։ Յուրաքանչյուր երկիր իր ավանդն է ներդնում օզոնային շերտի պահպանման գործում` փոխարինելով կամ օզոնաքայքայիչ նյութերից անցնելով օզոնաանվտանգների կիրառմանը»,– ասաց Ղահրամանյանը, նշելով, որ Հայաստանում երբեք այդպիսի արտադրություններ չեն եղել։

Հահիդրոմետկենտրոնի հելիոֆիզիկայի բաժնի պետ Աննա Ծառուկյանն իր հերթին ընդգծեց, որ օզոնային շերտը միայն մեկ երկրի տարածքում պաշտպանել հնարավոր չէ, սա մոլորակի մասշտաբի հարց է, որը պետք է լուծվի համատեղ ջանքերով։

«Եվ չնայած, որ այս պահին մենք օզոնային անցքի առաջացման սպառնալիք չունենք, անհրաժեշտ է աշխատել, որ նման ռիսկ չառաջանա»,– նշեց Ծառուկյանը։ -0-