Հայաստանում կարող է լինել կորոնավիրուսի երրորդ ալիք․ Թորոսյանը մանրամասներ է հայտնել (ՎԻԴԵՈ)
ԵՐԵՎԱՆ, 30 դեկտեմբերի․ /Նովոստի-Արմենիա/․ Հայաստանին սպասվում է կորոնավիրուսի 3-րդ ալիք հունվարի երկրորդ կեսին, այս մասին «Հոծ գիծ» նվեր մնացականյանի հետ հաղորդման ժամանակ ասել է ՀՀ առողջապահության նախարար Արսեն Թորոսյանը։
Նախարարը նշել է, որ երկրորդ ալիքի սրացումը կապված է եղել պատրեազմի հետ, բայց դրանից առաջ էլ է եղել թվերի որոշակի աճ՝ պայմանավորված ակտիվ աշխատանքին վերադառնալով և դպրոցների բացմամբ, իսկ պատերազմի ժամանակ անհնար էր պահպանել սանիտարահիգիենիկ նորմերը, ինչը բերեց օրական հազար դեպքերին։
Նրա խոսքով, ամենամեծ թվերը Հայաստանում հենց պատերազմի օրերին էին արձանագրվում, և հետպատերազմյան շրջանում, հակառակը՝ ունեցանք իրավիճակի հարաբերական մեղմացում, մահճակալային ֆոնդը թերծանրաբեռնված է, և որոշ հիվանդանոցներ վերադառնում են իրենց հիմնական աշխատանքին՝ միաժամանակ պատրաստ լինելով 3-րդ ալիքին։
«Մենք ամռանը մեծ բռնկում ունեցանք, ի տարբերություն շատ երկրների՝ մենք բավականին մեղմ ենք գնում ամենածանր հատվածում, իսկ ծանրը ձմեռային սեզոնն է սուր շնչառական վարակների համար, ինչը մեզ թույլ է տալիս ավելի լավ արդյունքներ արձանագրել բուժական առումով»,- ասել է Թորոսյանը։
Միաժամանակ նա նշեց, որ ԱՆ-ի գնահատականներով, հնարավոր է լինի բարձրացում հունվարի երկրորդ կեսից՝ կապված տոնական օրերին մարդկանց շփումի հետ։
Նախարարը նշել է, որ Հայաստանում կորոնավիրուսը նահանջում է, իսկ ինչ վերաբերում է Մեծ Բրիտանիայում առկա վիրուսի մուտացիային, ապա այն ի հայտ է եկել սեպտեմբերին, և միակ տվյալը դրա մասին այն է, որ այն ավելի արագ է տարածվում, բայց չկան տվյալներ հիվանդության ժընթացքի մասին։
«Մենք որոշել ենք սպասել հարցի հստակեցմանը և հապճեպ որոշումներ չընդունել»,- ասել է Թորսյանը։
Խոսելով այն մասին, որ վարակվածների թիվը նվազում է, բայց մահերը՝ ոչ, նախարարը բացատրեց, որ դա պայմանավորված է հիվանդության երկար ընթացքի հետ, այդպիսի հիվանդները վերակենդանացման բաժնում անցկացնում են գրեթե 10 օր, և այսօրվա մահերի թվերը մոտ 15-20 օր առաջվա թվերին է համահունչ․ այդ օրվա վարակվածների 1,5%-ին է հավասար։-0-
