Գիտնականները պարզել են, թե որ մասնագիտությունները կանհետանան ռոբոտների պատճառով

ԵՐԵՎԱՆ, 6 ապրիլի. /Նովոստի-Արմենիա/. Առանց աշխատանքի, անշուշտ, չենք մնա: Որոշ ոլորտներում, ինչպես նշում են մասնագետները, ռոբոտները, միևնույն է, կզիջեն մարդուն:

Աշխատանքի համառուսական գիտահետազոտական ինստիտուդի փորձագետ, տնտեսական գիտությունների թեկնածու Իրինա Պերովան ասել է, որ ապագայում ռոբոտները չեն կարողանա փոխարինել միայն ստեղծագործական մասնագիտությունների ներկայացուցիչներին, քանի որ մարդկային ինտելեկտն առավել ճկուն է և բազմաշերտ: Այս մասին գրում է life.ru-ն:

ՌԻԱ Նովոստիի հաղորդմամբ, նորագույն տեխնոլոգիաները կհանգեցնեն ձեռքի աշխատանքի փոխարինմանը մեքենաներով և որոշ մասնագիտությունների ամբողջական անհետացմանը, բայց միաժամանակ կհայտնվեն գործունեության նոր բնագավառներ, որտեղ պահանջված կլինեն նոր մասնագետներ:

Գիտնականները նշում են, որ ռոբոտները թույլ են տալիս նվազեցնել ձեռքի աշխատանքի բաժնեմասն արդեն 2025 թվականին, իսկ առաջինները, ով կրճատման տակ կհայտնվեն, կլինեն ծառայությունների ոլորտի աշխատողները` մատուցողներ, գանձապահներ, և այն բոլոր մասնագետները, որոնց աշխատանքը ռոբոտներն ավելի արագ և ավելի լավ կկատարեն: -0-