Գիտնականները հայտնաբերել են կորոնավիրուսի առաջին մուտացիան, որի դեմ հակամարմիններն անզոր են

ԵՐԵՎԱՆ, 6 դեկտեմբերի․ /Նովոստի-Արմենիա/․ Գիտնականները հայտնաբերել են SARS-CoV-2- ի մուտացիա, որը նրան թույլ է տալիս խուսափել վարակի դեմ պայքարելու համար արտադրված հակամարմինների կողմից ճանաչումից։ Այս մասին, ինչպես փոխանցում է ՌԻԱ Նովոստին, հայտնում է Nature-ը, ՝ հղում անելով ուսումնասիրության նախնական տպագրությանը:

Ֆրեդ Հաթչինսոնի քաղցկեղի հետազոտման կենտրոնի մասնագետները քարտեզագրել են COVID-19 բոլոր հնարավոր մուտացիաները, որոնք կարող են կանխել երեք մոնոկլոնալ հակամարմինների կապումը (լաբորատորիայում ստեղծված և հիվանդներին փոխանցված մասնագիտացված թերապիայի շրջանակում):

Պարզվել է, որ մի շարք մուտացիաներ ազդել են սպիտակուցային հատվածի վրա, որը կոչվում է ընկալիչների կապող տիրույթ (RBD), որը վիրուսն օգտագործում է բջիջներ ներթափանցելու համար: Այս մուտացիաներից մեկը քողարկել է վիրուսը հակամարմինների ամբողջ խառնուրդից, իսկ ոմանք էլ ընտրովիորեն խուսափել են երեք հակամարմիններից մեկից:

Գիտնականները նշում են, որ այս փոփոխություններից մի քանիսը լայնորեն տարածված են COVID-19- ով վարակվածների մոտ, իսկ Նիդեռլանդներում և Դանիայում հայտնաբերվել է մուտացիա, որը դիմադրում է հակամարմինների ամբողջ խմբին: -0-