Գագիկ Հարությունյանն ընտրվեց Բարձրագույն դատական խորհրդի նախագահ

ԵՐԵՎԱՆ, 5 մարտի. /Նովոստի–Արմենիա/. Պրոֆեսոր Գագիկ Հարությունյանն ընտրվեց Հայաստանի բարձրագույն դատական խորհրդի նախագահ, հայտնում է Հայաստանի Սահմանադրական դատարանի մամուլի ծառայությունը։

««Հայաստանի Հանրապետության դատական օրենսգրքի» 84-րդ հոդվածի համաձայն, Բարձրագույն դատական խորհրդի անդամների ընտրությունից հետո հինգ օրվա ընթացքում դրա կազմից պետք է ընտրվի նախագահ»,– ասվում է հաղորդման մեջ։

Բարձրագույն դատական խորհրդի առաջին նիստը կայացել է երկուշաբթի Հայաստանի գիտությունների ազգային ակադեմիայի նախագահության դահլիճում։ Հարությունյանը գաղտնի քվեարկությամբ ընտրվել է նախագահ։

Խորհուրդը կլինի պետական անկախ մարմին, որը երաշխավորում է դատարանների և դատավորների անկախությունը։ -0-