ԵՐԵՎԱՆ, 8 մարտի. /Նովոստի-Արմենիա/. Ֆրանսիայի արտաքին գործերի նախարարությունը տուգանք կվճարի նրա համար, որ 2017 թվականին չի կարողացել կատարել օրենսդրության պահանջը ղեկավար պաշտոններում կանանց և տղամարդկանց հավասարության ապահովման վերաբերյալ, գրում է
РБК-ն` հղում անելով Le Mond-ին:
Տուգանքի գումարը կազմում է 450 հազար եվրո:
Այսպես կոչված, «(Ֆրանսուա) Սովադետի օրենքը», որն ընդունվել է 2012 Թվականի մարտի 12-ին, սահմանում է կանանց 40-տոկոսանոց քվոտա պետծառայության և խոշոր ընկերությունների ղեկավար պաշտոններում նշանակելիս:
Загружается новость ... "Лево"
2017 թվականին Ֆրանսիայի ԱԳՆ-ում այդ ցուցանիշը կազմել է ընդամենը 29 տոկոս: Դատարանի նշանակած տուգանքը կազմել է 90 հազար եվրո քվոտայով սահմանված հինգ տեղի համար պակասող յուրաքանչյուրի համար: Նախարարության պաշտոնյաներից մեկը Le Mond-ին հայտնել է, որ 2018 Թվականին իրավիճակը շտկվել է` ցուցանիշը հասել է 39 տոկոսի:
Ինչպես նշում է պարբերականը, ֆրանսիական ԱԳՆ-ն միակ գերատեսչությունը չէ, որ խախտել է օրենքը: Մասնավորապես, նույն պատճառով տուգանվել է նաև Էկոնոմիկայի և ֆինանսների նախարարությունը: Այդ գերատեսչության համար տուգանքի չափը կազմել է ավելի քան 1.7 մլն եվրո:
ԱԳՆ-ում Le Mond-ի աղբյուրը թերթին հայտնել է, որ կանանց փոքր թիվը ղեկավար պաշտոններում կապված է դիվանագիտական ոլորտում կին-կադրերի պակասի հետ:
Ինչպես ավելի վաղ գրել է РБК-ն, Ֆրանսիան այն երկրների թվում է, Համաշխարհային բանկի տվյալներով, որտեղ հասել են գենդերային հավասարության` մտածված բարեփոխումների շնորհիվ:
Ռուսաստանը, Համաշխարհային բանկի տվյալների համաձայն, հավաքել է 100 միավորից 73,13-ը, հետ մնալով նախկին ԽՍՀՄ երկրների մեծամասնությունից: -0-
