ԵՐԵՎԱՆ, 12 ապրիլի․ /Նովոստի-Արմենիա/․ Ռուս երգչուհի Տատյանա Բուլանովան գտնվում է Վ․ Ա․ Ալմազովի անվան գիտահետազոտական կենտրոնի վերակենդանացման բաժնում՝ կայուն վիճակում, այս մասին կիրակի ասել է երգչուհու համերգային տնօրեն Կոնստանտին Սերգեևը, հայտնում է ՏԱՍՍ-ը։
«Նա գտնվում է վերակենդանացման բաժնում, վիճակը կայուն է։ Նա հիմա լավ է, գտնվում է բժիշկների վերահսկողության տակ։ Նախակաթվածային վիճակում է։ Գնացել է ՄՌՏ հեազոտության և արդյունքում նրան թողել են հիվադանոցում»,- ասել է Սերգեևը։
Загружается новость ...
"Право"
Համերգային տնօրենը հավելել է, որ երգչուհին իր հետ կապի մեջ է, իսկ ապրիլի 13-ին հայտնի կդառնա դուրս գրելու օրը։
Ռուս էստադային երգչուհի և դերասանուհի Տատյանա Բուլանովան ծնվել է 1969 թվականի մարտի 6-ին Լենինգրադում: Իր առաջին երգերը ձայնագրել է «Летний сад» (Ամառային պարտեզ) խմբի հետ` 1989-ի դեկտեմբերին խմբի ղեկավար Նիկոլայ Տագրինին հանդիպելուց հետո: 1996-ին Տատյանան թողարկել է «Мое русское сердце» (Իմ ռուսական սիրտը) ալբոմը, որում ներառված էր «Ясный мой свет» (Իմ վառ լույս) երգը: 2004-ին արժանացել է Ռուսաստանի վաստակավոր արտիստի կոչման:-0-
