Երևանի շախմատի տունը կվերակազմավորվի

ԵՐԵՎԱՆ, 28 փետրվարի. /Նովոստի-Արմենիա/. «Տիգրան Պետրոսյանի անվան շախմատի տուն» ՊՈԱԿ–ը կվերակազմավորվի, համապատասխան որոշումն ընդունվել է հինգշաբթի կառավարության նիստում։

Կառավարության որոշմամբ, կառույցը կվերակազմավորվի և կմիավորվի «Գասպարյանի անվան շախմատի և շաշկու օլիմպիական մանկապատանեկան մարզադպրոց» ՊՈԱԿ–ի հետ։ Այսուհետ միավորված կառույցն առաջարկվում է անվանել «Շախմատի և շաշկու օլիմպիական մանկապատանեկան մարզադպրոց»։


Այս կապակցությամբ մտահոգություն է հայտնել արտակարգ իրավիճակների նախարար Ֆելիքս Ցոլակյանը` անընդունելի համարելով դպրոցի անվանումից հայ մեծանուն շախմատիստ, գրոյսմայստեր Տիգրան Պետրոսյանի անվան հանելը։

Ի պատասխան դրան փոխվարչապետ Տիգրան Ավինյանը հայտնել է, որ նախնական քննարկումների արդյունքներով որոշվել է կառույցի անվանման մեջ թողնել Տիգրան Պետրոսյանի անունը։ -0-