Էրդողանը դատապարտել է Մակրոնի որոշումը Հայոց ցեղասպանության օր սահմանելու վերաբերյալ. «ավելի լավ է, թող պատմություն սովորի»

ԵՐԵՎԱՆ, 16 փետրվարի. /Նովոստի-Արմենիա/. Թուրքիայի նախագահ Ռեջեփ Թայիփ Էրդողանը դատապարտել է Ֆրանսիայի նախագահ Էմանուել Մակրոնի` ապրիլի 24-ը Հայոց ցեղասպանության հիշատակի օր սահմանելու որոշումը և խորհուրդ է տվել նրան պատմություն սովորել, հայտնում է ՏԱՍՍը:

Ֆրանսիայի նախագահ Մակրոնը փետրվարի 5-ին հայտարարել է, որ Ֆրանսիայում ապրիլի 24-ը նշվելու է որպես Հայոց ցեղասպանության հիշատակի օր: Դրանից հետո Էրդողանի պաշտոնական ներկայացուցիչը հայտնել է, որ «Անկարան վճռականորեն դատապարտում է այդ քայլը, քանի որ այն համարում է պատմական փաստերին հակասող քաղաքական սուտ»:


«Նա նորեկ է քաղաքականությունում, ավելի լավ է, թող պատմություն սովորի: Մեր պատմության մեջ ցեղասպանություն չի եղել»,- ասել է Էրդողանն A Haber հեռուստաալիքի եթերում` առաջին անգամ մեկնաբանելով այս թեման: -0-