Դեպի աշխատավայր երկար ճանապարհը կարող է հոգեկան հիվանդությունների պատճառ դառնալ. գիտնականներ

ԵՐԵՎԱՆ, 1 ապրիլի. /Նովոստի Արմենիա/. Տնից գործի երկար ճանապարհը բացասական է ազդում մարդու հոգեկան առողջության վրա, ինչը հանգեցնում է դեպրեսիվ խանգարումների, վախի ու տագնապի: Այդ մասին հայտնում է ՏԱՍՍը՝ հղում անելով DPA-ին: Նշվում է, որ հաշվի են առնվել ավելի քան 13 մլն մարդու տվյալները:

Աշխատակիցները, ովքեր ստիպված են ավելի քան 500 կմ հաղթահարել աշխատավայր հասնելու համար, 15 տոկոսով ավելի հաճախ են աշխատանքից բացակայում հոգեկան հիվանդությունների պատճառով, քան այն աշխատակիցները, ովքեր 10 կմ-են անցնում: Հինգ հարյուր կիլոմետր հեռավորություն են, սովորաբար, անցնում այն մարդիկ, ովքեր աշխատանքային օրերին ապրում են քաղաքում, իսկ հանգստյան օրերն անցկացնում են քաղաքից դուրս գտնվող տանը ընտանիքի հետ:

Փորձագետները նշում են, որ անգամ 50 կմ երկարությամբ ամենօրյա ճանապարհը արդեն որոշակի ռիսկեր է պարունակում:-0-