«Comedy Club»-ի շոումեն Ալեքսանդր Ռևայի չորրորդ հայկական ամուսնությունը. նա կրկին ամուսնացել է իր հայ կնոջ հետ. (ՎԻԴԵՈ)
ԵՐԵՎԱՆ, 10 հունվարի./Նովոստի-Արմենիա/. Շոումեն Ալեքսանդր Ռևան կրկին ամուսնացել է իր հայ կնոջ հետ: Պսակադրության հանդիսավոր արարողությունն անցկացվել է Մալդիվներում: Այս մասին հաղորդում է «Московский-комсомолец»-ը:
Հետաքրքիր է, որ դերասանի նոր ընտրյալը կրկին դարձել է նրա օրինական կինը` Անժելիկան: Բանն այն է, որ երջանիկ ամուսինները սիրում են պարբերաբար իրենց համար տոն կազմակերպել և նորից ու նորից կրկնել սիրո ու հավատարմության նմանօրինակ ուխտը:
«Ես դարձա քո կինը… արդեն չորրորդ անգամ»,- նշել է արարողության ընթացքում «հարսնացուն», ով Ռևայի կինն է արդեն 12 տարի շարունակ և հասցրել է երկու դուստր պարգևել ամուսնուն:
Աղջիկները ծնողների «հարսանիքի» միակ վկաներն են դարձել: Դրախտային կղզիներում ընտանիքը հանգստանում է արդեն մեկ շաբաթ, հենց այստեղ է ընտանիքը որոշել անցկացնել սուրբծննդյան տոները:
Ավելի վաղ Ռևայի կինը պատմել էր իր հայկական արմատների մասին: -0-
