Արթուր Ջանիբեկյանին շնորհավորում է Comedy Club-ի անձնակազմը և ոչ միայն (ՎԻԴԵՈ)

19:17

01 Մարտի 2020

ԵՐԵՎԱՆ, 1 մարտի./Նովոստի-Արմենիա/. «Comedy Club»-ի ռեզիդենտները և ոչ միայն շնորհավորել են Comedy Club Production-ի հիմնադիր Արթուր Ջանիբեկյանի ծնունդը, ընդ որում՝ հայերեն լեզվով:

«Եթե անկեղծ, ես հայերեն շատ վատ եմ հասկանում: Թարգմանում է Google սաղ անում: Ցանկանում եմ շատ ներքնազգեստ, մեծ կարմիր կոշիկ: Ծնունդ շնորհավոր, ախպեր»,- նշել է Comedy Club-ի ռեզիդենտ Դեմիս Կարիբիդիսը:

ՌԴ նախագահ Վլադիմիր Պուտինին նմանակող Դմիտրի Գրաչյովը նույնպես հայերենով շնորհավորել է Ջանիբեկյանի ծնունդը և երջանկություն մաղթել: Ընդ որում, նա խոստովանել է, որ Արթուրի շնորհիվ է զբաղեցնում իր պաշտոնը:

Շնորհավորանքներին միացել է նաև «Comedy Woman» հեռուստանախագծի հեղինակ և մասնակից, հումորային ժանրի դերասանուհի Նատալյա Եփրիկյանը՝ հայերեն շնորհավորելով «թանկարժեք Արթուրի» ծնունդը: -0-

«Մաղթում եմ մնաս նույնքան ուժեղ ու համարձակ ղեկավար, ու ամենակարևորը ՝ առողջություն»,- նշել է Եփրիկյանը՝ իր սերը հայտնելով Ջանիբեկյանին:

Ռուս հեռուստահաղորդավարուհի, դերասանուհի Օլգա Բուզովան նույնպես անցել է հայերեն լեզվի:

«Արթուր, քո հետ խոսում է թարգմանիչը: Օլգան ինձ ուժով է պահում ու շատ քիչ վճարում: Խնդրում եմ ինձ այստեղից վերցրու նորմալ աշխատանքի»,- նշել է Բուզովան՝ շնորհավորելով Ջանիբեկյանի ծնունդը մի քանի լեզուներով:

Վերջում նա մաքուր հայերենով հայտարարել է. «Ես սիրում եմ քեզ»:

Պավել Վոլյան Ջանիբեկյանին հիշեցրել է, որ իրեն է պատկանում Երկիր մոլորակի ամենահզոր հեռուստաալիքը:

«Ախպերս, բրատ, ցանկանում եմ, որ «փող չկա» իրավիճակը մեզ երբեք չվերաբերի»,- նշել է Վոլյան՝ շնորհավորելով Ջանիբեկյանին:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Արթուր Ջանիբեկյան #Comedy Club #ծնունդ #շնորհավորանք

Թեմատիկ նյութեր