ArmComedy–ի հաղորդավարներն ամերիկացի շոումեն Քոնան Օ'Բրայենին հայկական իդիոմներ են սովորեցրել (ՏԵՍԱՆՅՈՒԹ)

ԵՐԵՎԱՆ, 13 մայիսի. /Նովոստի–Արմենիա/. ArmComedy–ի հաղորդավարներ Նարեկ Մարգարյանն ու Սերգեյ Սարգսյանը մասնակցել են Team Coco հայտնի ամերիկյան հեռուստահաղորդմանը, որի հաղորդավարը Քոնան Օ'Բրայենն է (Conan O'Brien)։

TBS հեռուստաալիքով հեռարձակվող շոուի ժամանակ Նարեկն ու Սերգեյն ամերիկացի շոումենին բացատրել են հայկական որոշ վառ արտահայտությունների իմաստը, որոնցից է, օրինակ, «may I go blind instead of you» («Քոռանամ ես»)։

Նրանք նաև քննարկել են 2015 թ.–ին Օ'Բրայենի հայաստանյան վերջին այցը, երբ շոումենը ArmComedy–ի հյուրն էր։ Նրանք նաև զրուցել են Օ'Բրայենի հայ օգնական Սոնա Մովսիսյանի մասին։



Քոնան Օ'Բրայենը լեգենդար ամերիկացի կատակերգու է, հեռուստահաղորդավար, սցենարիստ։ 1993–2009 թթ.–ին վարել է NBC ալիքով հեռարձակվող «Late Night with Conan O’Brien» հայտնի շոուն։ 2009–2010 թթ.–ին վարել է «The Tonight Show with Conan O'Brien» հաղորդումը, իսկ 2010 թ.–ի նոյեմբերի 8–ից վարում է «Conan O'Brien Presents: Team Coco» հեռուստաշոուն TBS ալիքով։

Օ'Բրայենը նաև սցենարներ է գրում հեռուստաշոուների և սերիալների, մասնավորապես, «Սիմփսոնները» մուլտսերիալի համար։–0–