Ամերիկուհին իմացել է իր հղիության մասին ծննդաբերությունից երկու ժամ առաջ (ՖՈՏՈ)

ԵՐԵՎԱՆ, 31 մայիսի./Նովոստի-Արմենիա/. Ամերիկուհին ծննդաբերել է իր հղիության մասին իմանալուց երկու ժամ անց, հաղորդում է korrespondent.net-ը՝ հղում անելով Daily Mail-ին:

Զարմանալի դեպքը կատարվել է ամերկյան Բլումինգտոն քաղաքում՝ 23-ամյա բնակչուհի Լիզզի Կուախի հետ, ով մասնագիտությամբ բալետի պարուհի է: Կուախը մայրացել է 2019թ.-ի հունիսի 23-ին, իսկ իր անհավանական պատմությամբ որոշել է կիսվել միայն մեկ տակի անց:

Նա պատմում է, որ սարսափելի կծկումներ է զգացել ստամոքսի շրջանում: Ավելի վաղ վերջինիս մոտ հեռացրել էին երիկամների քարերը, այնպես որ նա ցավերը «վերագրել» է նախկին վիրահատությանը: Ամերիկուհին խնդրել է մորն իրեն հիվանդանոց տանել:

Պարզվել է, որ Լիզզիի մոտ ծննդաբերություն է սկսվել: Եվ զարմանալին այն է, որ վերջինս անգամ չի կասկածել իր հղիության մասին: Աղջիկը պատմել է, որ չի ունեցել հղիությանը հատուկ ախտանիշներ:

Կուախը նշել է, որ ծննդաբերությունը դժվար է եղել, ինչպես ֆիզիկական, այնպես էլ հոգեբանական առումով: Նա չգիտեր իր երեխայի և նրա առողջական վիճակի մասին:

Սակայն մայրիկը գեղեցիկ աղջիկ է ունեցել և ինչպես երևում է վերջինիս Instagram-ի էջից՝ ամեն օր հիանում է իր դստրիկով: -0-

View this post on Instagram

A post shared by Lizzie Quah (@lizzie_quaah) on May 10, 2020 at 8:36am PDT