ԵՐԵՎԱՆ, 14 օգոստոսի․ /Նովոստի-Արմենիա/․ Դերասանուհի Նարինե Ոսկանյանը, Facebook-յան իր էջում ուղիղ եթերով հայնել է, որ ամերիկահայ բարերար Գրիգոր Թերմենջյանը իրեն փոխանցել է իր վիրահատության համար պահանջվող ամբողջ գումարը՝ 3 մլն դրամը։ Դերասանուհին նշել է, որ ինքը չի ճանաչում այդ բարերարին։
Նա հայտնել է, որ իր հետ կապվել է նաև, ՀՖՖ նախկին նախագահ Ռուբեն Հայրապետյանը և ասել, որ նույնպես ուղարկել է վիրահատության գումարը:
Загружается новость ... "Лево"
«Ես ասացի, որ պետք չի, գումարն ունեմ, Ռուբեն Հայրապետյանն ասաց` էդ փողը քեզ, որովհետև վիրահատությունից հետո քեզ բուժման փող է պետք, աղջիկ ջան: Էդ փողը վերցրու ու բուժվի: Նա ինձ նվիրեց այդ 3 միլիոն դրամը»,- ասել է Ոսկանյանը:
Դերասանուհին նաև շնորհակալություն է հայտնել բոլորին և խնդրել, այլևս իրեն գումար չուղարկել:
«Արժեր, իրոք, հիվանդանալ, որ վայելեի ձեր սերը»,- հավելել է դերասանուհին:
Նա նաև հայտնել է, որ ողջ գումարը, որը կմնա վիրահատությունից և բուժումից հետո, ինքը կնվիրաբերի։
Ավելի վաղ՝ օգոստոսի 13-ի առավոտյան, Ոսկանյանը տեսահաղորդագրությամբ դիմել էր իր հանդիսատեսին և հայտնել, որ ինքը սրտի շտապ վիրահատության կարիք ունի, սակայն չունի դրա համար անհրաժեշտ գումարը։
Դերասանուհին խնդրել էր օգնել իրեն այդ ծանր պահին։-0-
Երևանում կենտրոնում հայտնաբերվել է Նորվեգիայում Ինտերպոլի ազգային կենտրոնական բյուրոյի կողմից միջազգային մակարդակով անհայտ կորած համարվող 36-ամյա մի քաղաքացի
Քաշը կորցնելը հեշտ բան չէ, բայց այդ անելու ամենաարդյունավետ միջոցը ֆիզիկական վարժություններն ու ճիշտ սննդակարգն է: Սակայն այդ դեպքում էլ արդյունք չի լինի, եթե կան սնվելու վատ սովորություններ
