ԵՐԵՎԱՆ, 17 հունիսի. /Նովոստի-Արմենիա/. Արթնանալուց հետո ջուր խմելը տարածված է Ճապոնիայում: Չարժե անտեսել այդ օգտակար սովորությունը: Առավոտյան խմած ջուրը դրական ազդեցություն է գործում օրգանիզմում ընթացող բոլոր գործընթացների վրա:
Կանոնավոր ջուր խմելը կարգավորում է աղեստամոքսային տրակտի աշխատանքը, բարելավում է մաշկի վիճակը և օգնում է նորմայի մեջ պահել նյարդային համակարգը, գրում է
fitnessi.ru-ն:
Առավոտյան նախքան նախաճաշը ջուր խմելը բժշկական ազդեցություն էլ ունի: Այն օգնում է ազատվել այնպիսի հիվանդություններից, ինչպիսիք են շաքարախտը, ճարպակալումը, հորմոնալ դիսբալանսը, արտիրիտը, առիթմիան, միգրենը, երիկամների անբավարարությունը:
Загружается новость ...
"Право"
Մի բաժակ գոլ ջուրն անհրաժեշտ է խմել արթնանալուց անմիջապես հետո: Առավոտյան աղիների դատարկումից հետո խորհուրդ է տրվում ևս մեկ բաժակ ջուր: Այժմ կարելի է նախաճաշել: Ստամոքսը մաքրվել է, ջուրը հասել է աղիներին, օրվա ընթացքում ավելի առույգ և թարմ զգացողություն կլինի:
Օրվա ընթացքում ևս շատ օգտակար է ուտելուց մոտ 30 րոպե առաջ երկու բաժակ գոլ ջուր խմել, բայց դանդաղ: Թեյն ու սուրճը նույնպես խորհուրդ է տրվում խմել նախքան ուտելը, ոչ թե հետո, որ չավելանա ստամոքսում չմարսված սննդի քանակն ավելորդ հեղուկի հաշվին:
Մարդիկ, ովքեր առավոտյան սկսում են ջուր խմել, վախենում են այտուցներից: Սակայն այտուցներն առաջանում են սխալ սննդակարգից և աղի չարաշահումից: Այնպես որ ջրի բալանսն օրգանիզմի համար բացառիկ օգտակար է: -0-
