ԵՐԵՎԱՆ, 27 սեպտեմբերի./Նովոստի-Արմենիա/. Իտալական «Ռոմայի» կիսապաշտպան և Հայաստանի հավաքականի առաջնորդ Հենրիխ Մխիթարյանը կոչ է արել միջազգային հանրությանը օգնել Արցախի դեմ ռազմական գործողւթյունների դադարեցման գործում:
«Այսօր առավոտյան արթնացել եմ՝ իմանալով Լեռնային Ղարաբաղի վրա (դե-ֆակտո անկախ պետություն, որը բնակեցված է հայերով) ադրբեջանական բանակի ձեռնարկած լայնամասշտաբ գործողությունների մասին, որոնց թիրախը Ստեփանակերտի քաղաքացիական բնակչությունն է և հարակից տարածքները»,- նշել է Մխիթարյանն իր Facebook-յան էջում:
Մխիթարյանը կոչ է արել միջազգային հանրությանը անհապաղ ոտքի կանգնել և աջակցել զինված գործողությունների դադարեցմանը, որոնք ուղղված են տարածաշջանի խաղաղությանն ու անվտանգությանը:
«Մենք ունենք մեր Հայրենիքում ապրելու անքակտելի իրավունք առանց գոյության վտանգի: Մեր երեխաները իրավունք ունեն ապրել խաղաղության պայմաննեում,այլ ոչ թե թաքնվել ապաստարաններում: Ես միշտ իմ ազգի կողքին եմ»,- գրել է Մխիթարյանը:
Արցախում իրավիճակի սրման մասին
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է մղվել մի քանի ուղղություններով։ Ադրբեջանական կողմը կրել է մարդկային կորուստներ: ՊԲ–ն ոչնչացրել է հակառակորդի 4 ուղղաթիռ, շուրջ 15 ԱԹՍ, այդ թվում՝ հարվածային, 10 տանկ և հետևակի մարտական մեքենա։ Արցախի ՄԻՊ Արտակ Բեգլարյանը տեղեկացրել է, որ կան զոհեր ու վիրավորներ քաղաքացիական բնակչության շրջանում։
Ադրբեջանի ԶՈւ–ն հրետակոծում է նաև խաղաղ բնակավայրերը, այդ թվում` Ստեփանակերտը։ –0–
I woke up this morning learning about the large scale attack of Azerbaijani army on #NagornoKarabakh (a de-facto...
Опубликовано Henrikh Mkhitaryan Воскресенье, 27 сентября 2020 г.
