ԵՐԵՎԱՆ, 26 հոկտեմբերի. /Նովոստի-Արմենիա/. Հայաստանի մայրաքաղաք Երևանը հայտնվել է
poznavatelno.ru կայքի կազմած աշխարհի 30 ամենագեղեցիկ քաղաքների շարքում, որտեղ պետք է մեկնել գոնե մեկ անգամ:
Ամենագեղեցիկ քաղաքների ցանկում, բացի Երևանից, հայտնվել են Չեխիայի մայրաքաղաք Պրահան,
Բեռլինը (Գերմանիա), Միլանը (Իտալիա), Էդինբուրգը (Շոտլանդիա):
Նշենք, որ ըստ պարբերականի, Իտալիան ներկայացված է երեք քաղաքներով` Միլանով, Ֆլորենցիայով և Հռոմով, և քաղաք-պետություն
Վատիկանով:
Պետք է ավելացնել, որ աշխարհի ամենագեղեցիկ քաղաքների ցուցակում տեղ են գտել նաև մեր հարևան Իրանի մայրաքաղաք Թեհրանը և Թուրքիայի գլխավոր քաղաքներից մեկը` Ստամբուլը: Այս վարկանիշում ընդգրկվել են նաև`
• Մալեն (Մալդիվյան կղզիների մայրաքաղաք),
• Ռիո դը Ժանեյրո (Բրազիլիա),
• Ուտրեխտ (Նիդեռլանդներ),
• Մոստար (Բոսնիա),
• Բեռն (Շվեյցարիա),
• Դուբայ (ԱՄԷ),
• Օլեսուն (Նորվեգիա),
• Քյոլն (Գերմանիա),
• Նյու Յորք (ԱՄՆ),
• Փարիզ (Ֆրանսիա),
• Հոնկոնգ (ՉԺՀ)
• Մեքքա (Սաուդյան Արաբիա),
• Մադրիդ (Իսպանիա),
• Բրյուսել (Բելգիա),
• Տոլեդո (Իսպանիա),
• Սիեթլ (ԱՄՆ),
• Լոս Անջելես (ԱՄՆ),
• Լյուբլյանա (Սլովենիա)
Եթե դուք դեռ չեք եղել այս ցուցակի բոլոր քաղաքներում, ապա ընտրության մեծ հնարավորություն ունեք: Հուսանք, որ այս ցուցակը կոգեշնչի շատերին նոր ուղևորության համար: -0-