Զգուշացե՛ք խաբեությունից. ԱՄՆ դեսպանատունը հայտարարություն է տարածել գրին քարտի խաղարկությունում շահելու վերաբերյալ

ԵՐԵՎԱՆ, 8 մայիսի./Նովոստի–Արմենիա/. ԱՄՆ դեսպանությունը հայտարարություն է տարածել խաբեության մասին DV-2024-ում կամ գրին քարտի խաղարկությունում շահելու կապակցությամբ։

Ինչպես նշվում է դեսպանատան հայտարարության մեջ, DV-2024-ում կամ գրին քարտի խաղարկությունում շահելու վերաբերյալ Էլ․ փոստով, նամակով, տեքստային հաղորդագրությամբ կամ հեռախոսազանգով ստացված ցանկացած ծանուցում կեղծիք է։

«Շահման մասին տեղեկություն ստանալու միակ ճանապարհը կարգավիճակի ստուգումն է dvprogram/state.gov/ESC էջում», – նշվում է հայտարարության մեջ։–0–