Սթրեսը փոքրացնում է ուղեղի չափերը և զրկում հիշողությունից

ԵՐԵՎԱՆ, 22 հունիսի. /Նովոստի-Արմենիա/. Սթրեսը միջին տարիքում կարող է նվազեցնել ուղեղի չափը և վատացնել հիշողությունը: Այսպիսի եզրակացության են եկել Հարվարդի համալսարանի գիտնականները, գրում է medikforum-ը:

Загружается новость ... "Лево"

Բոլորս գիտենք, թե որքան վտանգավոր է օրգանիզմի համար քրոնիկ, երկարատև ստրեսը: Եվ այժմ ամերիկացի գիտնականներն ապացուցել են, որ միջին տարիքում սթրեսը հանգեցնում է ուղեղի չափերի կրճատմանը, ինչից տուժում է մարդու հիշողությունը: Այս բացասական էֆեկտը գրանցվել է 40 տարեկանից բարձր մարդկանց մոտ, ովքեր չեն ունեցել ծերունական թուլամտություն: Պարզվել է, որ պաթոլոգիական պրոցեսները նրանց ուղեղում տեղի են ունեցել սթրեսի հորմոն կորտիզոլի ազդեցությամբ: Սթրեսից տուժել են նաև մտավոր կարողությունները:

Գիտնականներին հաջողվել է հիշողության կորուստը ֆիքսել միջին տարիքի մարդկանց մոտ դեռ որևէ ախտանիշերի ի հայտ գալուց առաջ: Հենց այդ պատճառով, յուրաքանչյուրս պետք է ջանք անենք` սթրեսի մակարդակը նվազեցնելու համար: Պետք է լավ քնել, ֆիզիկական վարժություններ կատարել, ինչպես նաև կորտիզոլի մակարդակը որոշելու անալիզներ հանձնել: 

Մակերիկամների արտադրած կորտիզոլն օգնում է օրգանիզմին արձագանքել սթրեսին: Այն նաև նվազեցնում է բորբոքումների մակարդակը, վերահսկում է արյան մեջ շաքարի մակարդակը և զարկերակային ճնշումը, կարգավորում է նյութափոխանակության արագությունը: Բարձր կորտիզոլը բացատրվում է սթրեսի ազդեցությամբ, զանազան առողջական խնդիրներով կամ դեղորայքով: -0-