«Ստոպ այսպիսի հարցերին»ԱՄՆ տեղափոխված Գնել Ուլիխանյանը պատասխանել է հետևորդների թոփ հարցերին (ՖՈՏՈ)

ԵՐԵՎԱՆ, 31 օգոստոսի./Նովոստի-Արմենիա/. Գաբրիել Սունդուկյանի անվան ազգային ակադեմիական թատրոնի դերասան Գնել Ուլիխանյանը, ում հեռուստադիտողը ճանաչեց «Եռաչափ սեր» հեռուստասերիալից, վերջերս ակտիվացել է Instagram-ում:

Նա ոչ միայն հրապարակումներ է ավելի հաճախ անում, այլև հարցուպատասխան է կազմակերպել երկրպագուների հետ։

ԱՄՆ–ում բնակություն հաստատած դերասանին երկրպագուները Հայաստան գալու հետ կապված մի քանի հարց են տվել։ Գնելը սթորի բաժնում պատասխանել է, որ շատ է ուզում վերադառնալ:

Նշենք, որ դերասանն արդեն 3 տարի է`բնակվում է ԱՄՆ–ում։

Հետևորդները հետաքրքրվել են նաև անձնական կյանքի մանրամասներով, սակայն դերասանը այդ հարցերին չի պատասխանել:

Հետևորդները նկատել են, որ Գնելը պարբերաբար հրապարակումներ է անում դստեր՝ Մալվինայի հետ, սակայն նրա և կնոջ՝ Աննայի լուսանկարները ջնջված են էջից։

View this post on Instagram

A post shared by Գնել Ուլիխանյան (@gnel_ulikhanyan)

Հարցին, թե նա և Աննան բաժանվե՞լ են, Գնելը պատասխանել է, որ չի կարելի այդպիսի հարցեր տալ:

«Ստոպ այսպիսի հարցերին»,-գրել է նա։

Հետևորդներից մեկն էլ այսպիսի հարց է տվել. «Ամուսնացա՞ծ եք»:

Այդ հարցին ի պատասխան՝ Գնելը ձեռքերը վեր պարզած էմոջի (սմայլիկ) է դրել, որը ինտերնետային լեզվով նշանակում է՝ ինչ իմանաս։

Հիշեցնենք, որ Գնելն ամուսնացել էր 2016 թվականին: Նրա ընտրյալը Աննա Դալլաքյանն էր: Նրանց սիրո պատմությունը սկսվել է Գնելի հարազատ թատրոնից՝ Սունդուկյանից:–0–