Սթիվ Ջոբսի 23–ամյա դուստրն առաջին անգամ պոդիում է դուրս եկել Փարիզի Նորաձևության շաբաթվա ընթացքում (ՖՈՏՈ)
04.10.2021,
15:40
Սթիվ Ջոբսի 23–ամյա դուստրն առաջին անգամ պոդիում է դուրս եկել Փարիզի Նորաձևության շաբաթվա ընթացքում (ՖՈՏՈ)
ԵՐԵՎԱՆ, 4 հոկտեմբերի./Նովոստի–Արմենիա/. Apple ամերիկյան ընկերության հիմնադիր Սթիվ Ջոբսի դուստրը` Իվ Ջոբսն առաջին անգամ պոդիում է դուրս եկել Փարիզում անցկացվող Նորաձևության շաբաթվա ընթացքում։
23–ամյա մոդելն առաջին անգամ մասնակցել է նորաձևության միջոցառմանը Coperni ֆրանսիական ապրանքանիշի 2022թ.–ի գարուն–ամառ հավաքածուի ցուցադրության շրջանակում։ Նա պոդիում է դուրս եկել կանաչ նեոնային տոպով և սև կարճ կիսաշրջազգեստով։ Իվի կերպարը համալրել են սպիտակ ֆուտուրիստական ակնոցներն ու պայուսակը։
«Խոսքեր չեմ կարող գտնել, որպեսզի արտահայտվեմ, թե որքան արտասովոր է այս հավաքածուն։ Ինձ համար պատիվ էր դառնալ Coperni–ի տեսլականի մի մասը», – գրել է Իվն Instagram–ի իր էջում։–0–
Լուսանկարը` coperni/Instagram
Պատճենել հղումը
