Սնունդն ազդում է մարդու տրամադրության վրա

ԵՐԵՎԱՆ, 6 հուլիսի. /Նովոստի–Արմենիա/. ԱՄՆ–ի Բինհեմթոնի համալսարանի գիտնականները պարզել են, որ տարբեր մթերքներ տարբեր կերպ են ազդում տարբեր տարիքի մարդկանց տրամադրության վրա, հաղորդում է lenta.ru–ն։


Պարզվել է, որ 18–29 տարեկան մարդիկ պետք է ավելի շատ միս ուտեն։ 30 տարեկանից բարձր մարդկանց լավ տրամադրության համար խորհուրդ է տրվում օգտագործել մրգեր, որոնք պարունակում են մեծ քանակի հակաօքսիդանտներ, ինչպես նաև ձեռնպահ մնալ սուրճից։ 

Բրիտանացի դիետոլոգ Ռոբ Հոբսոնն իր հերթին նշում  է, որ սեքսուալ ցանկության մակարդակը հիմնականում կախված է մթերքներից։ Նրա պնդմամբ, լիբիդոյի բարձրացման համար հարկավոր է նախաճաշին օգտագործել D վիտամին պարունակող մթերքներ` սունկ, ձու, սկումբրիա։–0–