ՌԴ–ում գրանցվել է կորոնավիրուսի դեմ պատվաստանյութը դեռահասների համար

ԵՐԵՎԱՆ, 24 նոյեմբերի./Նովոստի–Արմենիա/. Ռուսաստանում գրանցվել է «Սպուտնիկ Մ» կորոնավիրուսի դեմ պատվաստանյութը, որը նախատեսված է դեռահասների համար։ Այս մասին նախօրեին ասուլիսի ժամանակ տեղեկացրել է Գամալեի անվան կենտրոնի տնօրենի տեղակալ Դենիս Լոգունովը, հաղորդում է ՏԱՍՍ–ը։

«Այսօր թույլտվություն է ստացվել օգտագործել «Սպուտնիկը» երեխաների շրջանում, պատվաստանյութը գրանցվել է, կարող ենք կիսվել այս ուրախ փաստով», – ասել է նա։

Չորեքշաբթի փոխվարչապետ Տատյանա Գոլիկովան ևս տեղեկացրել է, որ երեխաների համար նախատեսված պատվաստանյութը կմտնի շրջանառության մեջ դեկտեմբերի վերջից ոչ շուտ։

«Սպուտնիկ Վ»–ի կլինիկական փորձարկումները 12–17 տարեկանների շրջանում մեկնարկել էին Մոսկվայում հունիսի 5–ին։ Ինչպես ավելի վաղ պարզաբանել է Գամալեի անվան կենտրոնի տնօրեն Ալեքսանդր Գինցբուրգը, «Սպոււտնիկ Վ»–ի կոնցենտրացիան հինգ անգամ նվազեցվել է դեռահասների և 10 անգամ ավել փոքր տարիքի երեխաների համար։–0–