Պոլինա Գագարինան սիրային հարաբերությունների մեջ է Իլհամ Ալիևի նախկին փեսայի հե՞տ (ՎԻԴԵՈ)

ԵՐԵՎԱՆ, 25 մայիսի./Նովոստի–Արմենիա/. Հայտնի երգչուհի Պոլինա Գագարինան և Ադրբեջանի նախագահ Իլհամ Ալիևի նախկին փեսա, երգիչ Էմին Ագալարովը միաժամանակ հայտարարել են ամուսնալուծության մասին։


Իրենց երկրորդ կեսի հետ ամուսնալուծվելու մասին հայտարարություններից հետո սկսել են շրջանառվել լուրեր Գագարինայի և Ագալարովի սիրավեպի մասին, գրում է belnovosti.by–ը։

Դեռևս 2015թ.–ին Ագալարովը թույլ էր տվել Գագարինային օգտվել իր սեփական առանձնատնից «Я не буду» երգի տեսահոլովակի նկարահանման համար։

Երկու տարի անց ԶԼՄ–ները սկսեցին հաղորդել, որ Գագարինան տարաձայնություններ ունի ամուսնու` Դմիտրի Իսխակովի հետ։


Դրանից հետո Պոլինան Ագալարովի հետ դուետ ու տեսահոլովակ թողարկեց։ Եվ երկու երգիչների ամուսնալուծությունների մասին հայտարարությունները սկսեցին կասկած հարուցել։

Երկրպագուները չեն բացառում, որ Գագարինան ու Ագալարովը սիրավեպ ունեն։ Ընդ որում նրանք որևէ կերպ չեն մեկնաբանում այդ խոսակցություններն ու չեն նշում ամուսնալուծության իրական պատճառները։–0–