Պարգև Սրբազանի մահվան մասին լուրը չունի որևէ հիմնավորում. Մայր Աթոռ

ԵՐԵՎԱՆ, 20 նոյեմբերի/Նովոստի–Արմենիա/. Հայ առաքելական եկեղեցու Արցախի թեմի առաջնորդ Պարգև Սրբազանի մահվան մասին լուրը չունի որևէ հիմնավորում։

Ինչպես նշել է Մայր Աթոռ Սուրբ Էջմիածնի տեղեկատվական համակարգի ղեկավար Վահրամ Քահանա Մելիքյանը, Պարգև Սրբազանի վերաբերյալ տարածված տեղեկատվությունը չունի որևէ հիմնավորում։

«Հարցի վերաբերյալ իրազեկված չեն ինչպես Մայր Աթոռը, այնպես և Սրբազան Հոր մտերիմները։ Սրբազանի հետ վերջին հեռախոսակապը եղել է շուրջ հինգ ժամ առաջ։ Ներկայիս, պայմանավորված ժամային տարբերություններով փորձ է արվում տեղեկություն ստանալ իր առողջական վիճակի վերաբերյալ։ Այսօրվա տեղեկատվական խառնաշփոթի պայմաններում խնդրում եմ հետևել պաշտոնական տեղեկատվությանը», – նշել է Վահրամ Քահանա Մելիքյանը Facebook–յան իր էջում։

Նշենք, որ նոյեմբերի 16–ին հայտնի դարձավ, որ Պարգև Սրբազանը սրտի կաթված է ստացել և բուժման նպատակով կուղևորվի ԱՄՆ։–0–