Միխայիլ Գալուստյանը դադարել է շփվել Խարլամովի հետ ու նշել է պատճառը

ԵՐԵՎԱՆ, 31 հուլիսի./Նովոստի–Արմենիա/. Կատակերգու և շոումեն Միխայիլ Գալուստյանը լրագրող Նադեժդա Ստրելեցին տված հարցազրույցում խոստովանել է, որ գրեթե չի շփվում Comedy Club-ի նախկին գործընկեր Գարիկ Խարլամովի հետ, գրում է gazeta.ru–ն։

Գալուստյանը նշել է, որ ինքն ու Խարլամովն ունեն «լավ հարաբերություններ, որոնք չկան»։ Հումորիստի խոսքով՝ ինքը չի ցանկանում ժամանակ անցկացնել նրանց հետ, ովքեր չեն ցանկանում ժամանակ անցկացնել իր հետ։ Աստղը պարզաբանել է, որ սա նորմալ իրավիճակ է, և «այդպես պատահում է»։

«Ես չեմ ցանկանում պարտադրվել նրան (Խարլամովին): Նա ունի իր կյանքը, և ես ըմբռնումով եմ մոտենում դրան», - նշել է շոումենը:

Գալուստյանն ընկերական հարաբերություններ ունի Comedy-ում նախկին գործընկերների հետ, որոնց թվում են Ալեքսանդր Ռևվան, Վադիմ Գալիգինը, Դեմիս Կարիբիդիսը։

Խարլամովն ու Գալուստյանը հանդիպել են, երբ հանդես էին գալիս ՈւՀԱ–ում (КВН)։ Կատակերգուները միասին նկարահանվել են «Ամենալավ ֆիլմը» ֆիլմում։–0–