ԵՐԵՎԱՆ, 16 հոկտեմբերի./Նովոստի–Արմենիա/. 40–ամյա Քորթնի Քարդաշյանը(Kourtney Kardashian) հայտարարել է, որ իրեն կողոպտել է վարձու աշխատողը։ Աստղի երեխաներին խնամող դայակն անսպասելիորեն անհետացել է` իր հետ վերցնելով ավելի քան 5 հազար դոլար, գրում է cosmo.ru–ն։
Քորթնին կիրակի երեկոյան է հասկացել, որ իր ընտանիքին կողոպտել են, երբ նկատել է, որ դրամապանակից անհետացել է 700 դոլար։ Նույն պահին պարզվել է, որ նրա նախկին ամուսնուն` լուսանկարիչ Սքոթ Դիսիկին ևս կողոպտել են, նրա մոտից անհետացել է 4500 դոլար։ Ընտանիքը կորցրել է նաև iPad–ը։
Քորթնին հաճախ է օգտվում օտար մարդկանց ծառայություններից տնային տնտեսություն վարելու հարցում։ Քարդաշյանների ընտանիքը շատ վարձու աշխատողներ ունի։
«Իմ տանը ողջ օրը մարդիկ են լինում, ում ես վստահում եմ, սակայն այստեղ ինչ–որ բան այնպես չէ», – նշել է աստղն իրերի և գումարի անհետացումից հետո։
Քորթնիի օգնականը` Մեգանն, օգնել է աստղին պարզել իրականությունը։ Քարդաշյանը նշել է, որ դայակին վճարել է 20 դոլար, իսկ մնացած թղթադրամները դրել է պայուսակի մեջ։
Загружается новость ... "Лево"
«Դրանք հաստատ այնտեղ էին։ Լինում է այնպես, որ դուք պարզապես գիտեք ինչ–որ բանի մասին։ Ես էլ գիտեմ, որ փողն այնտեղ է եղել, դա փաստ է», – նշել է Քորթնին։
Պարզվել է, որ Քորթնիի երեխաների նոր դայակին երկու անգամ նկատել են անվտանգության աշխատողները. աղջիկը լապտերով ինչ–որ բան է որոնել Քորթնիի գրասենյակում։ Պարզվել է նաև, որ խորամանկ կինը կարողացել է կոտրել «խելացի տուն» համակարգն ու միանալ էլեկտրոնային սարքերին։
«Ստացվում է, որ նա լսում է այն, ինչ մենք խոսում ենք հենց հիմա», – վրդովվել է Քորթնիի քույրը` Քլոյեն։ Աստղը հրամայել է աշխատակիցներին փոխել iTunes–ի ծածկագիրը, կարգավորել համակարգն ու անջատել իր հեռախոսին միացված բոլոր տնային սարքերը։
«Հպարտ եմ, որ մենք բռնեցինք նրան երկու շաբաթ անց` 2 տարվա փոխարեն։ Մնում է միայն զանգել ոստիկանություն։ Թող նրանք ամեն ինչ պարզեն», – նշել է ռեալիթի–շոուի աստղը։
Քորթնին նաև նշել է, որ այսուհետ ավելի ուշադիր է ստուգելու իր տուն մուտք գործող մարդկանց։
«Մեծ դաս քաղեցինք։ Հիմա ոչ ոք չի կարող գալ այստեղ հարցազրույցի առանց նշելու սեփական անունը, ազգանունն ու բնակության հասցեն», – Քորթնիի խոսքերը մեջբերում է Daily Mail–ը։–0–
