Խռմփոցի 5 պատճառ, որոնց մասին դուք կարող եք չիմանալ

ԵՐԵՎԱՆ, 11 օգոստոսի./Նովոստի–Արմենիա/. Խռմփոցը քնի բավականին հաճախ հանդիպող խանգարում է։

Ինչպես Huffington Post–ին նշել է քնի խնդիրներով զբաղվող Ջագդիփ Բիջվադիան (Jagdeep Bijwadia), եթե որոշ դեպքերում խռմփոցը պարզապես անհարմար դիրքի հետևանք է, ապա կան դեպքեր, երբ այն վկայում է օրգանիզմում առկա որոշ խնդիրների մասին, գրում է med.vesti.ru–ն։

Ներկայացնում ենք խռմփոցի 5 պատճառ։ Նման ախտանիշների ի հայտ գալու դեպքում խորհուրդ ենք տալիս զբաղվել այդ խնդիրների բուժմամբ։ 

Աշխատանքային օրվա վերջին մի բաժակ գինի խմելու սիրահարները կարող են մտածել, որ որևէ վատ բան չեն անում։ Սակայն ալկոհոլը թուլացնում է շնչուղիների մկանները, ինչը կարող է հանգեցնել ուժեղ խռմփոցի։ 

Խանգարված շնչառություն

Շնչառության խանգարումը խռմփոցի տարածված պատճառներից մեկն է։ Խանգարումը կարող է կապված լինել ինֆեկցիայի, ալերգիայի կամ քթի միջնապատի դեֆեկտների հետ։ Որոշ դեպքերում հնարավոր են պարզ միջոցներ, իսկ որոշների դեպքում անհրաժեշտ կլինի վիրաբուժական միջամտություն։ Խնդիրները լուծելու հարցում կարող է օգնել տան խոնավ մաքրումը, ննջասենյակից ծանր վարագույրների և խավոտ գորգերի վերացումը, որտեղ կարող են թաքնվել փոշու տզեր, որոնք առաջացնում են ալերգիա։

Մեջքի վրա քնել 

Քնի ժամանակ տարբեր դիրքերը ևս նշանակություն ունեն։ Պարզվում է, որ մեջքի վրա քնող մարդիկ շատ ավելի հաճախ են խռմփացնում, քան նրանք, ովքեր քնում են փորի կամ կողքի վրա։ Նման դեպքերում խռմփացնող մարդուն պետք է պարզապես խնդրել փոխել դիրքն` այդ սարսափելի ձայները դադարեցնելու համար, գրեթե 90% դեպքերում դա իսկապես օգնում է։ 

Ավելորդ քաշ

Ավելորդ քաշ ունեցող մարդիկ խռմփացնում են ավելի հաճախ և ուժեղ, քան նորմալ քաշով մարդիկ։ Դա տեղի է ունենում, քանի որ նրանց պարանոցի մկանները տոնուսի մեջ չեն։ 

Վահանաձև գեղձի խնդիրներ

Խռմփոցը վահանաձև գեղձի վիճակը ստուգելու ևս մի առիթ է։ Խռմփոցը հաճախ առաջանում է, երբ գեղձը բավարար ակտիվ չէ։ Վահանաձև գեղձի աշխատանքի կարգավորումը, համապատասխան դեղորայքի ընդունումը զարմանալի կերպով կարող են նվազեցնել խռմփոցի մակարդակը կամ վերացնել այն։–0–