Կանխատեսում` ըստ կենդանակերպի նշանների. ի՞նչ է սպասվում սպիտակ մետաղյա Առնետի տարում

ԵՐԵՎԱՆ, 7 դեկտեմբերի./Նովոստի–Արմենիա/. Աստղաբան-էզոթերիկ Գուրգեն Հովհաննիսյանը ներկայացրել է, թե ինչ է սպասվում կենդանակերպի բոլոր նշաններին 2020 թվականին` սպիտակ մետաղյա Առնետի տարում։

Եվ այսպես...

Խոյ

Խոյերին հագեցած տարի է սպասվում` լի նոր ակնկալիքներով: Խոսքի ուժը Խոյերի համար կարևոր դեր կխաղա: Դրա օգնությամբ Խոյերը կյանքի կկոչեն ցանկությունների և նպատակների այն մեծ բազան, որը կուտակել են նախորդ 5-6 տարիների ընթացքում: Առաջընթացի միակ լուրջ խոչընդոտը կարող է լինել ինքնամփոփությունը, վատատեսական մոտեցումը սեփական անձին և շուրջը ստեղծված իրավիճակին: Չնայած դրան, Խոյերն ունեն բոլոր պայմանները ընտանեկան և նոր միջավայրի ստեղծման համար:

Ցուլ

Ցուլերին սպասվում է լավ, դրական տարի: Նրանք ունեն պասիվ վիճակից դուրս գալու բոլոր հնարավորությունները: Մի փոքր ավելի քաջ լինելու և ռիսկի դիմելու դեպքում Ցուլերը կկարգավորեն բոլոր հնարավոր ներքին հակասությունները և առաջ կգնան:

Երկվորյակներ

Երկվորյակներին սպասվում է ներքին պայքար, բայց արագ ադապտացվելով նոր իրավիճակին, ստանալով շատ էներգիա, նրանք կհաղթահարեն վաղուց կուտակված խնդիրներն ու դժվարությունները: Այդ դժվարությունների ներքին հաղթահարման դեպքում միայն նրանք մեծ ուժ կստանան: Նրանք, ովքեր դա չեն կարողանա անել, ստիպված կլինեն 7,5 տարի վերանայել կամ կրկին անցնել այն ճանապարհով, որով չեն անցել կամ չեն կարողացել մինչև վերջ անցնել: Եվ այս տարբերակը նույնպես վատ չէ Երկվորյակների համար, քանի որ բոլոր ճանապարհները նրանց կբերեն այնտեղ, որտեղ պետք է բերեն:

Խեցգետին

Խեցգետինների համար բանավոր և հռետորական հնարավորությունների բացահայտումը շատ արդիական և ճիշտ կլինի գալիք տարում: Հավատի ամրապնդումը նույնպես շատ կարևոր կլինի այս նշանի համար: Սեփական ուժերին հավատալու, իրական բնույթի վերաիմաստավորման, ինքնաճանաչման խորացման շնորհիվ` Խեցգետինները կարող են հաղթահարել այն բոլոր խնդիրները, որ նրանց համար պատրաստում է գալիք տարին:

Առյուծ

2020 թվականը բավականին հաջողակ կլինի Առյուծների համար, բայց ոչ այնքան լավը, որքան սովորաբար լինում է այս նշանի մոտ: Սակայն նրանք հնարավորություն ունեն արագ ձևափոխել էներգիան, որոշումներ կայացնել, օգտագործել ստեղծված իրավիճակը: Միայն այս կերպ Առյուծները կկարողանան առաջընթաց ունենալ: Նրանք կարող են հաղթահարել գալիք տարվա բոլոր դժվարություններն` ընդունելով ու ազատվելով երկար ժամանակ կուտակված պայմանականություններից և խնդիրներից:

Կույս

Կույսերը կանգնած են հոգեբանական և սոցիալական մեծ խնդիրների հաղթահարման առջև: Նրանք ունեն այդ խնդիրները հաղթահարելու էներգիա, մասնավորապես` ֆինանսական։ Կույսերին սպասվում է ֆինանսական աղբյուրների թարմացում: Տարվա ընթացքում Կույսերը մի քանի շրջան կունենան, որոնք հսկողությունից դուրս կլինեն` «ճակատագրի իրադարձություններ, որոնք գրեթե անհնար է կառավարել»: Հաշվի առնելով այս փաստը` Կույսերը կարող են հասնել ցանկալի հաջողության և կայունության:

Կշեռք

Գալիք տարվա ամենահաջողակ նշանը Կշեռքն է: Նրանց առջև ծառացած գրեթե բոլոր խնդիրները հաջողությամբ կլուծվեն: Նրանք պետք է գործեն ներդաշնակորեն, վճռական և միշտ պահպանեն լավատեսությունն ու ուժը: Չէ՞ որ Կշեռքը կենդանակերպի այն միստիկ նշաններից է, որը որևէ պայմանականություն չի ճանաչում:

Կարիճ

Կարիճների համար գալիք տարին հիասքանչ կլինի, քանի որ նրանք կազատվեն անակնկալներով և փոփոխություններով լի, ծանր 2019 թվականից: Կարիճների համար փորձությունների ժամանակը կավարտվի, և նրանք կունենան մեծ հաջողությունների հասնելու բոլոր հնարավորությունները: «Միտք-խոսք-գործողություն» երրորդությունն արդիական կլինի Կարիճների համար, դրա մեջ է թաքնված նրանց հաջողության բանալին, որը Կարիճները կօգտագործեն ողջ տարվա ընթացքում` հաշվի առնելով սեփական ինտուիցիան: Չէ որ ինտուիցիայի հարցում Կարիճները գերազանցում են մյուսներին:

Աղեղնավոր

Աղեղնավորների համար 2020 թվականն անակնկալներով լի կլինի`հաշվի առնելով էմոցիոնալ լարվածությունը, որը կարող է նորություն լինել այս նշանի համար, քանի որ նրանք միշտ թեթև են հաղթահարում այդ ամենը: Աղեղնավորների բոլոր հնարավոր վտանգները կապված կլինեն զգացմունքների սխալ կառավարման հետ, բայց դրանք նաև կնպաստեն հաջողություններին: Գիտակցության և ենթագիտակցության միջև հավասարակշռություն պահպանելու դեպքում Աղեղնավորների համար բոլոր ուղիները բաց կլինեն: Մասնավորապես, նրանք կունենան 2-3 ուղղություն, որոնք հաջողության կբերեն:

Ջրհոս և Այծեղջյուր

Ջրհոսն ու Այծեղջյուրը մի դաշտում կգտնվեն: Գալիք տարին նրանց համար շատ հագեցած և պատասխանատու կլինի, քանի որ կան բազմաթիվ ուղղություններ և մեծ հնարավորություններ: Միաժամանակ դժվարություններն ավելի լուրջ կդառնան: Սեփական անձի նկատմամբ խիստ լինելն ու մանրունքների հանդեպ չափազանց մեծ ուշադրությունը կարող են շեղել նրանց կարևոր խնդիրների լուծումից, այդ պատճառով Ջրհոսներն ու Այծեղջյուրները պետք է զգույշ լինեն և պահպանեն ներքին հավատը, ինչպես նաև հնարավորության դեպքում ազատվեն բոլոր պատրանքներից, որոնք կարող է գեներացնել նրանց եսասիրությունը:

Ձկներ

Ձկներին սպասվում է հանգիստ, ներքին կայունությամբ լի տարի, որը կնախապատրաստի նրանց հետագա խաղաղ 12 տարիներին: Ձկները կենդանակերպի բոլոր նշաններից ստանում են հնարավոր դրական էներգիան: Միայն պետք է զգույշ լինել բացասական էներգիան վերցնեու հարցում: Ընդհանուր առմամբ, Ձկները կպարուրվեն մեծ ներուժով անձնական կյանքում` երջանկություն կերտելով սեփական անձի և ուրիշների համար։–0–