Իրանում կորոնավիրուսի 13 դեպք է արձանագրվել, Հայաստանն արձագանքում է
21.02.2020,
17:17
Իրանում կորոնավիրուսի 13 դեպք է արձանագրվել, Հայաստանն արձագանքում է
ԵՐԵՎԱՆ, 21 փետրվարի./Նովոստի–Արմենիա/. Իրանի առողջապահության նախարարությունն արձանագրել է կորոնավիրուսով վարակի ևս 13 դեպք։
Այս մասին հաղորդում է ՌԻԱ Նովոստին` հղում անելով գերատեսչության պաշտոնական ներկայացուցիչ Կիանուշ Ջահանպուրին։
Այսպիսով, արձանագրված դեպքերի ընդհանուր թիվը հասել է 18–ի, որոնցից երկուսը` մահվան ելքով։
«Ստուգման արդյունքում այսօր արձանագրվել է վարակի 13 նոր դեպք», – նշվում է Ջահանպուրի հայտարարության մեջ։
Նրա խոսքով, նոր հիվանդների մեծ մասը Կումի բնակիչներ են (շիա մահմեդականների ուխտագնացության վայրը), որտեղ առաջին անգամ արձանագրվել է վիրուսը։ 13 վարակվածներից յոթը գտնվում են Կումում, վիրուսը հասել է նաև Թեհրան, որտեղ գրանցվել է վարակի 4 դեպք, ևս երկուսը Գիլյան նահանգում են։
Նախօրեին Կումի բժշկական գիտությունների համալսարանի ղեկավար Ռեզա Հադիրը տեղեկացրել է, որ Իրանում կորոնավիրուսի տարածման հետ կապված իրավիճակը կրիտիկական չէ, մտահոգության առիթ չկա։
Հայաստանի արձագանքը
ՀՀ առողջապահության նախարար Արսեն Թորոսյանն այսօր հայտնել է, որ գերատեսչությունը հետևում է նոր կորոնավիրուսի բռնկումների դեպքերին և տարածվածությանն ամբողջ աշխարհում, այդ թվում` հարևան Իրանում:
«Տեղյակ ենք նաև Իրանից դեպի մեր երկիր ուղևորահոսքի առանձնահատկություններին` ներառյալ մոտ ժամանակներս սպասվող Նովրուզը: Որպես հավելյալ հակահամաճարակային միջոցառումներ` ուժեղացվել են Մեղրիի սահմանային անցակետով անցնող, ինչպես նաև Իրանից Հայաստան օդանավով ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում», – նշել է նախարարը Facebook–յան իր էջում` տեղեկացնելով, որ մինչ օրս նոր կորոնավիրուսով վարակվածության դեպք Հայաստանում չի գրանցվել:
«Կոչ եմ անում հետևել առողջապահության նախարարության պաշտոնական լրահոսին և առաջնորդվել դրանով», – հայտարարել է նախարարը:
Վիրուսի մասին
Չինաստանի իշխանությունները դեկտեմբերի 31–ին Առողջապահության համաշխարհային կազմակերպությանը (ԱՀԿ) տեղեկացրեցին երկրի կենտրոնական մասում` Հուբեյ նահանգի Ուհան քաղաքում գրանցված անհայտ ծագման թոքաբորբի բռնման մասին։
Մասնագետները պարզեցին, որ հիվանդության հարուցիչը նոր կորոնավիրուսն է։ ԱՀԿ–ն բռնկումը համարեց միջազգային նշանակության արտակարգ իրավիճակ։
Չինաստանում վարակվածների հաստատված թիվը գերազանցել է 75,4 հազարը, որից 2236 մարդ մահացել է։ Մեկ օրում գրանցվել է 889 նոր դեպք` կրկնակի ավել, քան մեկ օր առաջ։ Եվս 26 երկրներում հայտնաբերվել է վարակի ավելի քան հազար դեպք։–0–
Այս մասին հաղորդում է ՌԻԱ Նովոստին` հղում անելով գերատեսչության պաշտոնական ներկայացուցիչ Կիանուշ Ջահանպուրին։
Այսպիսով, արձանագրված դեպքերի ընդհանուր թիվը հասել է 18–ի, որոնցից երկուսը` մահվան ելքով։
«Ստուգման արդյունքում այսօր արձանագրվել է վարակի 13 նոր դեպք», – նշվում է Ջահանպուրի հայտարարության մեջ։
Նրա խոսքով, նոր հիվանդների մեծ մասը Կումի բնակիչներ են (շիա մահմեդականների ուխտագնացության վայրը), որտեղ առաջին անգամ արձանագրվել է վիրուսը։ 13 վարակվածներից յոթը գտնվում են Կումում, վիրուսը հասել է նաև Թեհրան, որտեղ գրանցվել է վարակի 4 դեպք, ևս երկուսը Գիլյան նահանգում են։
Նախօրեին Կումի բժշկական գիտությունների համալսարանի ղեկավար Ռեզա Հադիրը տեղեկացրել է, որ Իրանում կորոնավիրուսի տարածման հետ կապված իրավիճակը կրիտիկական չէ, մտահոգության առիթ չկա։
Հայաստանի արձագանքը
ՀՀ առողջապահության նախարար Արսեն Թորոսյանն այսօր հայտնել է, որ գերատեսչությունը հետևում է նոր կորոնավիրուսի բռնկումների դեպքերին և տարածվածությանն ամբողջ աշխարհում, այդ թվում` հարևան Իրանում:
«Տեղյակ ենք նաև Իրանից դեպի մեր երկիր ուղևորահոսքի առանձնահատկություններին` ներառյալ մոտ ժամանակներս սպասվող Նովրուզը: Որպես հավելյալ հակահամաճարակային միջոցառումներ` ուժեղացվել են Մեղրիի սահմանային անցակետով անցնող, ինչպես նաև Իրանից Հայաստան օդանավով ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում», – նշել է նախարարը Facebook–յան իր էջում` տեղեկացնելով, որ մինչ օրս նոր կորոնավիրուսով վարակվածության դեպք Հայաստանում չի գրանցվել:
«Կոչ եմ անում հետևել առողջապահության նախարարության պաշտոնական լրահոսին և առաջնորդվել դրանով», – հայտարարել է նախարարը:
Վիրուսի մասին
Չինաստանի իշխանությունները դեկտեմբերի 31–ին Առողջապահության համաշխարհային կազմակերպությանը (ԱՀԿ) տեղեկացրեցին երկրի կենտրոնական մասում` Հուբեյ նահանգի Ուհան քաղաքում գրանցված անհայտ ծագման թոքաբորբի բռնման մասին։
Մասնագետները պարզեցին, որ հիվանդության հարուցիչը նոր կորոնավիրուսն է։ ԱՀԿ–ն բռնկումը համարեց միջազգային նշանակության արտակարգ իրավիճակ։
Չինաստանում վարակվածների հաստատված թիվը գերազանցել է 75,4 հազարը, որից 2236 մարդ մահացել է։ Մեկ օրում գրանցվել է 889 նոր դեպք` կրկնակի ավել, քան մեկ օր առաջ։ Եվս 26 երկրներում հայտնաբերվել է վարակի ավելի քան հազար դեպք։–0–
Պատճենել հղումը
