Հենրիխ Մխիթարյանը շնորհավորել է Ամանորը և մաղթել է, որպեսզի բոլոր հայ գերիները վերադառնան Ադրբեջանից (ՎԻԴԵՈ)
ԵՐԵՎԱՆ, 3 հունվարի․/Նովոստի–Արմենիա/․ Հայաստանի ֆուտբոլի ազգային հավաքականի նախկին ավագ, «Ինտերի» կիսապաշտպան Հենրիխ Մխիթարյանը շնորհավորել է բոլորի Ամանորը։
«Թող այս Նոր տարին ձեզ անսահման ուրախություն և հաջողություն բերի, բոլոր նպատակների իրականացում և քաջառողջություն: Մաղթում ենք ձեզ և ձեր ընտանիքներին հիշարժան 2025 թվական: Իմ հայրենակիցներին մաղթում եմ խաղաղության և Հայրենիքի նորոգման տարի։ Հուսով եմ, որ այս տարի մենք ականատես կլինենք հարևան երկրի բանտերում ապօրինի պահվող մեր բոլոր հայ բանտարկյալների ազատ արձակմանը և հայրենիք վերադառնալուն»,- գրել է Մխիթարյանը Facebook-ում։
Նա հայ ժողովրդին մաղթել է համերաշխություն ու համախմբվածություն, քրտնաջան աշխատանք ու ստեղծագործություն։
«Թող մեր ազգային հերոսների հոգիները պահպանեն մեր սուրբ հողը, թող կատարվեն ձեր բոլոր երազանքները»,- նշել է Մխիթարյանը։
