Հայտնի է կաթնամթերքի վտանգավոր չափաբաժինը

ԵՐԵՎԱՆ, 20 նոյեմբերի./Նովոստի–Արմենիա/. Մեծահասակ մարդը օրական պետք է օգտագործի միջինը 200 գրամ կաթնամթերք։ Այս քանակը համարվում է օպտիմալ, «Ռոսիյսկայա գազետա»–ին հայտնել է ՌԴ ԱՆ Առողջապահության կազմակերպման և ինֆորմատիզացիայի կենտրոնական գիտահետազոտական ինստիտուտի ռիսկի գործոնների կանխարգելման բաժնի պետ Դարիա Խալտուրինան։


Նա հիշեցրել է, որ կաթնամթերքն առաջին հերթին նորածինների սնունդ է, այն բազմաթիվ օգտակար նյութերի աղբյուր է օրգանիզմի զարգացման համար։ Այդպես է դրված բնությունից։ «Կաթնամթերքի կանոնավոր և չափավոր օգտագործումն ասոցացվում է տարբեր պատճառներից մահացության զգալի նվազման հետ։ Օրական օպտիմալ քանակ է համարվում միջինը 200 գրամը։ Միաժամանակ օրական ավելի քան 1կգ կաթնամթերքի օգտագործումն ասոցացվում է տարբեր պատճառներից մահացության ռիսկերի 15%–ով ավելացման հետ», – նշում է Խալտուրինան։ 

Ֆերմենտավորված կաթնամթերքը (յոգուրտ, կեֆիր, կաթնաշոռ, պանիր և այլն), նրա խոսքով, ավելի օգտակար է, քան կաթ, քանի որ ոչ բոլոր մարդիկ ունեն գեներ, որոնք թույլ են տալիս լավ յուրացնել լակտոզան։–0–