ԵՐԵՎԱՆ,30 նոյեմբերի. /Նովոստի–Արմենիա/. Մեծ Բրիտանիայի Սուրեյի համալսարանի գիտնականները հայտնում են, որ D2 և D3 վիտամինները հավասարապես օգտակար չեն օրգանիզմի համար։ Այդ մասին գրում է
lenta.ru–ն` հղում անելով Medical Xpress պարբերականին։
Загружается новость ... "Лево"
Մասնագետները հետաքրքրվել են այն հարցով, թե որքանով արդյունավետ են օգտագործվում օրգանիզմում ստացված D վիտամինի տարբեր ձևերը։ Դրա համար գիտնականները երկու ձմեռվա ընթացքում ուսումնասիրել են Հարավային Ասիայի և Եվրոպայի 335 տարբեր կանանց։ Գիտափորձի մասնակիցներին բաժանել են հինգ խմբերի, յուրաքանչյուրը ստացել է (D2 և D3 վիտամիններով) հյութ կամ քաղցրաբլիթ, կամ էլ պլացեբո։
Փորձագետները հայտնաբերել են, որ D3 վիտամինը կրկնակի լավ է յուրացվում, քան D2–ը։ Հյութի կամ քաղցրաբլիթի միջոցով D3 վիտամին ընդունած կանանց մոտ դրա պարունակությունը 12–շաբաթյա ուսումնասիրությունից հետո 75 և 74 տոկոսով ավելի էր, քան նրանց մոտ, ովքեր նույն մթերքների միջոցովD2 վիտամին էին ստացել։
Ներկայում աշխարհի տարբեր երկրների, մասնավորապես, ԱՄՆ–ի կառավարական գերատեսչությունների մեխ մասը կարծում է, որ D վիտամինի երկու ձևերն էլ համարժեք են։ D2 վիտամինն ունի բուսական ծագում և մարդու օրգանիզմում հայտնվում է միայն սննդի հետ, մինչդեռ D3–ը կարող է մաշկում սինթեզվել նույնիսկ ուլտրամանուշակագույն ճառագայթների ազդեցությամբ, ինչպես նաև օրգանիզմում ստացվել կենդանական ծագման սննդի հետ։
D վիտամինն առանցքային դեր է խաղում կալցիումի ներծծման և ոսկրահյուսվածքի աճի խթանման կարգավորման գործում։ Ապացուցված է դրա արդյունավետությունը կրծքագեղձի, հաստ աղու և շագանակագեղձի քաղցկեղի, ինչպես նաև ճարպակալման, սրտի հիվանդությունների և դեպրեսիայի կանխարգելման հարցում։ Նաև նշվում է, որ D վիտամինը փոխազդում է երկարակեցության գեների հետ։ -0-
