Հայտնի է ամանորյա երեկույթներին ռուս աստղերի ելույթների հոնորարի չափը

ԵՐԵՎԱՆ, 9 նոյեմբերի./Նովոստի–Արենիա/. Հայտնի ռուս արտիստների մեծամասնությունը պահանջում է մի քանի միլիոն ռուբլի կորպորատիվ երեկույթներին ելույթ ունենալու համար, գրում է «Կոմսոմոլսկայա պրավդան»` հղում անելով արտիստների մենեջերներին։

Ամենապահանջված արտիստներից է Պոլինա Գագարինան։ Նա համաձայն է կատարել իր մի քանի հիթերը 3,5 մլն ռուբլու դիմաց։ Նույնքան գումար են պահանջում Դիմա Բիլանն ու Նիկոլայ Բասկովը։

Երգչուհի Սվետլանա Լոբոդան ռուս հանդիսատեսի առաջ պատրաստ է ելույթ ունենալ 4,9 մլն ռուբլու դիմաց, իսկ արդեն արտասահման կմեկնի ավելի բարձր վճարի դեպքում։ Ավելի շատ գումար է պահանջում Գրիգորի Լեպսը, նա բեմ դուրս չի գա 7 մլն ռուբլուց պակաս գումարի դեպքում, իսկ դեկտեմբերի 20–ից հետո վճարն աճում է։

Ալլա Պուգաչովան առանձին ուսումնասիրում է յուրաքանչյուր պատվեր։ Երգչուհու հոնորարը կարող է հասնել 21 մլն ռուբլու, սակայն Ամանորին ո′չ երգչուհին, ո′չ նրա ամուսինը` Մաքսիմ Գալկինը, սկզբունքորեն չեն աշխատում։

«Լենինգրադ» խումբն, ի տարբերություն Պուգաչովայի, պատրաստ է ելույթ ունենալ ամանորյա գիշերը 21 ռուբլու դիմաց։ Ընդ որում մյուս օրերին խմբի հոնորարը եռակի քիչ է` 7 մլն ռուբլի։–0–