«Հայաստանում ես տանն եմ»․ Նատալյա Եպրիկյանը կարանտինն անցկացնում է Հայաստանում (ՖՈՏՈ, ՎԻԴԵՈ)
16:00
21 Ապրիլի 2020
ԵՐԵՎԱՆ, 21 ապրիլի․ /Նովոստի-Արմենիա/․ Ռուսաստանաբնակ հայազգի հայտնի դերասանուհի «Comedy Woman» հաղորդման մասնակից և հեղինակ Նատալյա Եպրիկյանը իր կարանտինն անցկացնում է Հայաստանում։
Загружается новость ...
"Право"
«Вечерний Ургант» հաղորդման ժամանակ հաղորդավար Իվան Ուրգանտը տեսազանգով կապվել է նրա հետ։ Դերասանուհին պատմել է, որ չի կարողանում հեռանալ Հայաստանից։ Նա Հայաստան է եկել մի քանի օրով, որից հետո պետք է գնար Վրաստան, սակայն սահմանները փակվել են և Եպրիկյանը մնացել է Հայաստանում։
Ուրգանտը նրան շնորհավորել է ծննդյան օրվա կապակցությամբ՝ ասելով, որ նա այն տանը չի նշել, ինչին դերասանուհին պատասխանել է․
«Ես արդեն չեմ կարող ասել, որ տանը չեմ։ Ես Հայաստանում եմ»։
Եպրիկյանը պատմել է, որ գտնվում է Ջերմուկում, դատարկ հյուրանոցում, որտեղ մի քանի օր առաջ հարսանիք է եղել։ Նա նաև ասել է, որ տնից դուրս գալու և ջրվեժը տեսնելու համար նա տեղաշարժման ձևաթուղթ է լրացրել։
«Ես այդպիսի 80 հատ թուղթ ունեմ»,- կատակել է դերասանուհին։
Եպրիկյանը իր Instagram-յան էջում պարբերաբար տեղադրում է Հայաստանում՝ հիմնականում Ջերմուկում և Դիլիջանում արված նկրներ։
Հիշեցնենք, որ Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով։ Մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ։ Ապրիլի 13–ին կառավարությունը որոշեց մեկ ամսով երկարացնել արտակարգ դրության ռեժիմը` մինչև 2020թ.–ի մայիսի 14–ը ժամը 17։00–ն։
Ապրիլի 21-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության 1401 դեպք, առողջացել է 609 մարդ, 24-ը, ցավոք, մահացել են: -0-
Կաթնաշոռը բազմաթիվ դիետաների բաղադրիչներից է, քանի որ այն հարուստ է կալցիումով, ունի ցածր յուղայնություն, լավ յուրացվում է օրգանիզմի կողմից և նպաստում նիհարեցման գործընթացին
