«Հանգչիր խաղաղությամբ, լեգենդ». Քիմ, Քարդաշյանը, Հենրիխ Մխիթարյանն ու Ալեքսիս Օհանյանը սգում են Կոբի Բրայանտի մահը (ՖՈՏՈ)

ԵՐԵՎԱՆ, 27 հունվարի./Նովոստի–Արմենիա/. Մարզական աշխարհը և ոչ միայն սգում է ավիավթարի զոհ դարձած լեգենդար բասկետբոլիստ Կոբի Բրայանտի մահը։ Կոբիի հետ միասին ավիավթարի հետևանքով զոհվել են նրա 13–ամյա դուստրը, օդաչու Արա Զոբայանն ու վեց ուղևորներ։

«Սիրտս այնքան ծանր է։ Ոչ ոք չի կարող զգալ այն, ինչ զգում են զոհերի ընտանիքները։ Այս ամենը մեզ վրա շատ է ազդել, բայց ես անգամ չեմ կարող պատկերացնել, թե ինչ է զգում Վանեսան, ով կորցրել է ամուսնուն և դստերը։ Ես լացում եմ` մտածելով այդ մասին։ Աղոթում եմ Բրայանտների ընտանիքի, Ալտոբելլի ընտանիքի և բոլոր այն ընտանիքների համար, ովքեր տուժել են այս անհեթեթ աղետի հետևանքով։ Հանգչիր խաղաղությամբ, լեգենդ», – գրել է ամերիկահայ հեռուստաաստղ Քիմ Քարդաշյանն Instagram–ի իր էջում։ 

View this post on Instagram

A post shared by Kim Kardashian West (@kimkardashian) on Jan 26, 2020 at 4:03pm PST

Reddit ծառայության համահիմնադիր Ալեքսիս Օհանյանը Facebook–ի իր էջում հրապարակել է Բրայանտի և դստեր լուսանկարը` նշելով. «Առանց խոսքերի, ողբերգություն»։ 

«Ոգեշնչում։ Հավերժ հաղթող բազմաթիվ մարզիկների համար։ Կկարոտենք քեզ։ Հանգչեք խաղաղությամբ», – Instagram–ի իր էջում գրել է Հայաստանի հավաքականի ավագ և «Ռոմայի» կիսապաշտպան Հենրիխ Մխիթարյանը։ 

View this post on Instagram

A post shared by Henrikh Mkhitaryan (@micki_taryan) on Jan 27, 2020 at 12:46am PST

Կոբի Բրայանտը մահացել է նախօրեին Լոս Անջելեսի մոտակայքում գրանցված ավիավթարիհետևանքով։ Նա իր մասնավոր ուղղաթիռով ուղևորվում էր իր ակադեմիա` բասկետբոլային մարզման։–0–