Էքստրասենսը կանխատեսել է, թե երբ կավարտվի կորոնավիրուսի համավարակը

05.11.2021, 15:14
Էքստրասենսը կանխատեսել է, թե երբ կավարտվի կորոնավիրուսի համավարակը
Էքստրասենսը կանխատեսել է, թե երբ կավարտվի կորոնավիրուսի համավարակը

ԵՐԵՎԱՆ, 5 նոյեմբերի./Նովոստի–Արմենիա/. Արդեն երկու տարի է` երկիր մոլորակը պատել է կորոնավիրուսը։ Փորձագետները «գլուխ են կոտրում»` փորձելով կանխատեսել, թե երբ կավարտվի այս համավարկը։ Էքստրասենս Լինդա Հևարդ–Միլսը գտել է այս հարցի պատասխանը, գրում է starhit.ru–ն։ 

«Էքստրասենսների ճակատամարտ» հողարդաշարի ամենահայտնի մասնակիցներից մեկը խոսել է այն մասին, թե երբ կավարտվի համաճարակը և մենք կկարողանանք վերադառնալ նախկին կյանքին։

Լինդայի կարծիքով, աշխարհը կկարգավորվի մի քանի տարի հետո։

«Ինձ թվում է, որ այն կյանքը, որը համարվում էր նորմալ համաճարակից առաջ, կվերադառնա 2024թ.–ին, բայց արդեն ամեն ինչ մի փոքր այլ կերպ կլինի», – կարծում է Հևարդ–Միլսը։

Էքստրասենսը չի բացառել, որ երկիր մոլորակը կարող են ցնցել նոր հիվանդությունները։

«Գլոբալիզացիան, մարդկանց տեղաշարժը, կենդանիների և մարդկանց միջև սերտ շփումը, հատկապես խոշոր անասունների և թռչունների գործարանային աճեցման տեսքով, այս ամենը կատարյալ պայմաններ են վիրուսների նոր մուտացիաների համար, որոնք անցում են կատարում կենսաբանական տեսակների միջև», – նշել է նա։

Բայց Լինդան շտապում է հանգստացնել բոլորին. մարդկությանը կհաջողվի հաղթահարել բոլոր դժվարությունները, չէ՞ որ գիտությունը տեղում չի կանգնում, գիտնականները ստեղծում են նոր պատվաստանյութեր և դեղամիջոցներ։

«Իսկ կորոնավիրուսը նույնիսկ 2024թ.–ից հետո ոչ մի տեղ չի անհետանա, այն կվերածվի սովորական գրիպի։ Ամեն տարի ստեղծելու ենք նոր պատվաստանյութեր և դրանցով պատվաստվենք, ինչպես գրիպից։ Իսկ կորոնավիրուսը կթուլանա և կդառնա պակաս վտանգավոր», – պարզաբանել է էքստրասենսը։ 

Բոլորին, ովքեր համագործակցել են Լինդայի հետ, այդ թվում` «Էքստրասենսների ճակատամարտում», զարմացնում են նրա գերունակությունները։ Նա ընդամենը մեկ հայացքից կարող է «սկանավորել» մարդուն և պատմել նրա ամենասարսափելի ու խորը թաքնված գաղտնիքները։ Հևարդ–Միլսը խոստովանել է, որ իր ունակությունները սկսել է բացահայտել վաղ տարիքում։ Բայց չի կարող հստակ նշել տարիքը, քանի որ երկար ժամանակ անտեսել է պայծառատեսության ունակությունները։

«Հիմա հիշում եմ մանկության ինչ–որ պատմություններ և հասկանում, որ ինչ–որ բաներ ընկալում էի ոչ այնպես, ինչպես բոլորը։ Հիշում եմ ինտուիցիայի մասին, որը մեզ մանկուց սովորեցնում են զսպել` հօգուտ տրամաբանության։ Բայց ես միշտ գիտեի, թե ով է հաղթելու դպրոցական մրցումներում։ Ես նախագուշակ երազներ էի տեսնում, որոնք իրականանում էին հստակ և անսպասելի», – նշում է Լինդան։

Մեկ տարի անց նա ընդունեց ինքն իրեն և սովորեց օգտագործել իր ունակությունները ուրիշներին օգնելու համար։

«Եթե կարելի է օգնել  կամ փրկել ինձ հանդիպած մարդկանց, ապա դա պետք է անել։ Մարդիկ հիմնականում լավն են, և մենք միշտ լսում ենք հերոսների մասին, ովքեր, ռիսկի ենթարկելով կյանքը, փրկել են մարդկանց և անգամ կենդանիներին։ Մենք բոլորս մեկ միասնական ուժի` սիրո մասիկներն ենք։ Պետք է օգնել և փրկել միմյանց», – կարծում է Լինդան։–0–