Երեխայի սննդակարգ. 12 մթերք, որոնցից պետք է խուսափել
ԵՐԵՎԱՆ, 30 օգոստոսի. /Նովոստի–Արմենիա/. Բոլոր մայրերը ցանկանում են, որպեսզի իրենց երեխաների սննդակարգը լինի համեղ, բազմազան և առողջարար։ Եվ հաճախ չմտածելով հետևանքների մասին` մայրիկները երեխայի սննդակարգում ներառում են «մեծահասակների» դելիկատեսներ։ Բոլորը հասկանում են, որ ֆասթ–ֆուդը վնաս է երեխաներին։ Սակայն գիտե՞ք, որ ամենաօգտակար մթերքները կարող են վտանգավոր լինել մանկահասակ երեխաների համար, գրում է mama-likes.ru–ն։
Ոչ ոք չի վիճում, որ կարմիր ձուկն ու խավիարն օգտակար են։ Դրանք սպիտակուցների, ֆոսֆորի, արժեքավոր ամինաթթուների և վիտամինների աղբյուր են։ Սակայն...երեխաներին խավիար ու ծովամթերք կարելի է 3 տարեկանից բարձր տարիքում, և պետք է շատ զգույշ լինել։ Ձուկն ու ձկնամթերքը լուրջ ալերգեններ են, իսկ խավիարը սովորաբար պարունակում է մեծ քանակի աղ։
Կաթնաշոռից պատրաստված պանրիկներ և դեսերտ
Այս մթերքներում իսկապես կա կաթնաշոռ, որը շատ օգտակար է մանկական աճող օրգանիզմի համար։ Սակայն այն համեմված է այնքան մեծ քանակի շաքարով և բուրավետիչներով, որ ընդհանրապես պիտանի չէ երեխաների համար։
Սունկ
Եթե դուք անգամ 100 տոկոսով վստահ եք, որ սունկն անվտանգ է, նախադպրոցական տարիքի երեխաներին արգելվում է տալ ցանկացած տեսակի սունկ, քանի որ այն բավականին դժվարամարս է։ Սունկը կարող է խախտումներ առաջացնել երեխայի մարսողական համակարգում։
Պահածոներ և բանջարեղենային թթուներ
Անգամ տնային պայմաններում պատրաստված թթուները պարունակում են մեծ քանակի աղ, համեմունքներ և քացախ, ինչը կարող է երեխայի մոտ երիկամների խնդիրներ առաջացնել։
Մսի յուղոտ տեսակներ
Ճարպոտ կամ յուղոտ միսն ավելորդ ծանրաբեռնվածության կենթարկի փոքրիկի երիկամները և ենթաստամոքսային գեղձը։
Տորթ
Այստեղ խոսքն առաջին հերթին խանութներում վաճառվող հրուշակեղենի մասին է, որոնք պարունակում են չլուծվող բուսական ճարպեր և վնասակար հավելումներ։ Սակայն տանը պատրաստված թխվածքներն էլ պետք չէ չարաշահել։ Դրանք զգալի ծանրաբեռնվածության են ենթարկում փոքրիկի աղեստամոքսային տրակտը։
Յուղոտ արգանակներ
Այս արգանակներ չափազանց ծանր են երեխայի մարսողական և աղեստամոքսային համակարգի համար։
Շոկոլադ և կոնֆետներ
Այս մթերքներն ալերգիկ են և ծանրաբեռնում են փոքրիկի լյարդն ու ենթաստամոքսային գեղձը։
Սեխ և խաղող
Սեխն ու խաղողը գազեր են առաջացնում երեխաների աղիներում, դրանք նաև ծանր են մարսողության համար։
Պաղպաղակ
Պաղպաղակի բաղադրության մեջ, որպես կանոն, կան տրանսճարպեր և բուրավետիչներ, որոնք առաջացնում են ալերգիա և գրգռում են փոքրիկի ստամոքսը։
Գազավորված ըմպելիքներ
Գազավորված ըմպելիքները պարունակում են մեծ քանակի շաքար, գունային նյութեր և այլ վնասակար հավելումներ։
Երշիկեղեն
Երշիկն ու նրբերշիկը հիմա ավելի շատ քիմիական, քան սննդային արդյունաբերության ապրանք է։ Նույնիսկ ամենալավ որակի երշիկը պարունակում է երեխայի սննդակարգի համար անթույլատրելի քանակի ճարպեր և աղ։–0–
