«Ձայնը. երեխաներ» շոուում Ալսուի դստեր հաղթանակն արժեցել է 7 մլն ռուբլի

29.04.2019, 13:41
«Ձայնը. երեխաներ»  շոուում Ալսուի դստեր հաղթանակն արժեցել է 7 մլն ռուբլի:
«Ձայնը. երեխաներ»  շոուում Ալսուի դստեր հաղթանակն արժեցել է 7 մլն ռուբլի

ԵՐԵՎԱՆ, 29 ապրիլի. /Նովոստի-Արմենիա/. «Կոմսոմոլսկայա պրավդա»–ն հաշվարկել է, թե որքան է արժեցել երգչուհի Ալսուի 10-ամյա դստեր՝ Միկելլա Աբրամովայի հաղթանակը ռուսական «Ձայնը. երեխաներ» շոուում:

Եզրափակիչ փուլի քվեարկության շուրջ առաջացած սկանդալը չի հանդարտվում։ Շոուին մեղադրել են Ալսուի դստեր օգտին ձայների կեղծման մեջ: Սակայն ոչ բոլորն են հաշվի առել մի կարևոր հանգամանք: Հաղթողին ընտրել է ոչ թե հաղորդումը կամ Առաջին ալիքը, այլ հեռուստադիտողները՝ կարճ հաղորդագրությունների և հեռախոսազանգերի միջոցով, որոնց համար պատասխանատու է քվեարկության օպերատորը:

Դեռ պետք է պարզել, թե ինչ է իրականում տեղի ունեցել եզրափակչի քվեարկության ժամանակ, ինչպես նաև պատասխանել մի պարզ հարցին՝ կարո՞ղ էին արդյոք սոցցանցերում ռուս աստղերի կողմից հրապարակված մեկնաբանություններն այնպիսի ազդեցություն ունենալ, որ հեռուստադիտողներն իրենց ձայները զանգվածաբար տային Միկելլայի օգտին։

Загружается новость ... "Лево"

Ռուսական Առաջին ալիքի գլխավոր տնօրեն Կոնստանտին Էրնստն ավելի վաղ հայտարարել է.  «Մասնակիցներից մեկի օգտին գրանցված հեռախոսազանգերի և sms–ների ակտիվությունը զգալիորեն գերազանցել է այլ մասնակիցների օգտին ստացված հեռախոսազանգերի և sms–ների թվին: Մասնակիցների միջև նման տարբերություն, թերևս, երբեք չի եղել»։

Արդյունքում Առաջին ալիքը դիմել է աննախադեպ քայլի՝ հրապարակելով մասնակիցներից յուրաքանչյուրի օգտվին տրված ձայների նախնական տվյալները: Նայելով աղյուսակին` մաթեմատիկական ոչ բարդ հաշվարկներով պարզ է դառնում, որ Ալսուի դստեր հաղթանակը նրա երկրպագուների համար արժեցել է 7 մլն ռուբլի:

Ահա թե ինչ է գրված քվեարկության կանոններում. «Մեկ SMS հաղորդագրության արժեքը կազմում է 50 ռուբլի՝ ներառյալ ԱԱՀ–ն, հեռախոսազանգի առավելագույն արժեքը կազմում է 38,94 ռուբլի՝ ներառյալ ԱԱՀ–ն...Յուրաքանչուր թիմի մասնակիցներին մեկ հեռախոսահամարից կարող եք տալ 20 ձայնից ոչ ավել: Միաժամանակ իրավունք ունեք բոլոր 20 ձայնը տալ մեկ մասնակցի օգտին կամ բաշխել թիմի բոլոր մասնակիցների միջև, ինչպես հարմար եք գտնում...»:

Загружается новость ... "Право"

Իրականում, Ալսուի դստեր հետ տեղի է ունեցել այն, ինչ լինում է սովորական ինտերնետային մրցույթներում, երբ մայրը խնդրում է ծանոթներին. «Քվեարկեք իմ երեխայի օգտին, որպեսզի նա կարողանա մրցանակ ստանալ»:

«Արդյունքում, մարդիկ արձագանքում են խնդրանքին և քվեարկում են: Ալսուն նույնպես կարող էր խնդրել իր գործընկերներին, որոնք միլիոնավոր հետևորդներ ունեն Instagram-ում: Այդ իսկ պատճառով զարմանալու ոչինչ չկա: Ալսուին և նրա դստերը քննադատողների շրջանում կան բազմաթիվ մարդիկ, ովքեր գոնե մեկ անգամ խնդրել են աջակցել ինտերնետային մրցույթներում», - գրում է «Կոմսոմոլսկայա պրավդա»–ն:-0-